ଏ ଯୁଗର ନାମ
ଏ ଯୁଗର ନାମ
ସତ୍ୟ ତ୍ରେତୟା ଦ୍ଵାପର ଗଲା
ଏବେ ଆସିଛି କଳି
ଏଠି ଏକକୁ ଆରେକ ବଳି
କାହାକୁ ପାରିବା କଳି ।
ପରସ୍ପର ମଧ୍ୟେ କାରଣ ନଥାଇ
ହେଉଥିବେ ଖାଲି କଳି
ବଡ଼ ବଡ଼ିଆ ଯୋଜନା ଲୁଟିବେ
ଏଣୁ ଏ ଯୁଗର ନାମ କଳି ।
ମନ୍ତ୍ରୀ ଯନ୍ତ୍ରୀ ତନ୍ତ୍ରୀ ହୋଇବେ ମେଳି
ଦେଶକୁ ଖାଇବେ ଖୋଳି
ଟାଉଟୁରି ମାନେ ଟାଉଟୁରି କରି
ମାରୁଥିବେ ଖାଲି ତାଳି ।
ବଡ଼ଲୋକ ମାନେ ଭୁଲ କରିବେ
ଗରିବ ଖାଇବେ ଗାଳି
ଜନସାଧାରଣ ସବୁ ଦେଖୁଥିବେ
ସତେ କି ଭକୁଆ ଭଳି ।
ଶହେ ଟଙ୍କା ଗୋଟେ ହାତେ ପଡିଗଲେ
ସଭାରେ ହୋଇବେ ମେଳି
ବୁଝୁ କି ନବୁଝ ଜାଣୁ କି ନ ଜାଣୁ
ମାରୁଥିବେ ଖାଲି ତାଳି
ତେଣୁ ଏ ଯୁଗର ନାମ କଳି ।