ଏ କି ତାଣ୍ଡବ ଦେଶେ
ଏ କି ତାଣ୍ଡବ ଦେଶେ
ଠକିବା ହିଁ କାର୍ଯ୍ୟ ଚାଲୁଅଛି ଦେଶେ
ନେତା ଠକୁଛନ୍ତି ପ୍ରଜା
ସତ୍ତାର ନିମନ୍ତେ ଠକିବା ଅସ୍ତ୍ରକୁ
ଧରିଛନ୍ତି ନେତା ରାଜ। ।
କୃଷକ ଠକୁଛି କୃଷକଙ୍କୁ ନିଜ
ନେତାଙ୍କର ମନ୍ତ୍ରଣରେ,
କରନ୍ତି ଅସ୍ଥିର ଜନ ସମୁଦାୟେ
ଦିଅନ୍ତି ଦୁଃଖ ମନରେ ।
ସତ୍ତା ଭୋଗି ଜନ ଅସ୍ଥିର କରନ୍ତି
ବିଭିନ୍ନ ନୀଳା ଦେଶରେ,
ରାଷ୍ଟ୍ର ପ୍ରେମ ଭକ୍ତି ତିଳାଞ୍ଜଳି ଦେଇ
ଉଠାନ୍ତୁ ପ୍ରଶ୍ନ ଦେଶରେ ।
ଠକିବା ପାଇଁକି ଅଭିନୟ ତାଙ୍କ
ସତ୍ତ ପାଇବାର ପାଇଁ,
ଦେଶର ବିରୋଧେ କରନ୍ତି ତହିଁରେ
ଜନ କିଛି ଖୁସି ପାଇଁ ।
ଶୁଭେ ବିଦେଶରେ ଦେଶ ଶତ୍ରୁଙ୍କର
ସ୍ବର ବିରୋଧର ନିତ୍ୟେ,
ଦେଶେ ରହିଛନ୍ତି ଦେଶର ଖାଆନ୍ତି
ପ୍ରଶ୍ନ ଉଠୁଅଛି ନିତ୍ୟେ ।
ଦେଶର ଗୌରବ ଭଲ ଲାଗୁନାହିଁ
ମନ୍ତ୍ରଣଟି ତାହା ପାଇଁ,
ହୁଏ ଶକ୍ତିଶାଳୀ ପବିତ୍ର ଭାରତ
ଆନ୍ଦୋଳନ ତାହା ପାଇଁ ।
ଆତ୍ମନିର୍ଭରଟି ହେଉଛି ଭାରତ
ଆତ୍ମବିଶ୍ବାସ ରେ ଜନ,
ଦେଶର ବୈଭବ ଯନ୍ତ୍ରଣା ଦେଉଛି
ତାହା ପାଇଁ ଆନ୍ଦୋଳନ ।
ଗୌରବ ଗାଥା ଲେଖୁଛି ଏ ରାଷ୍ଟ୍ର
ବିଦେଶରେ ଜୟଗାନ,
କିପରି ସହିବେ ଦେଶ ଶତ୍ରୁ ତାକୁ
ସତ୍ତାର ନାହିଁ ଦର୍ଶନ ।
ଡିଜିଟେଲ୍ ହୁଏ ସମ୍ପୂର୍ଣ୍ଣ ଭାରତ
ଭ୍ରଷ୍ଟାଚାର ହୁଏ ଅନ୍ତ,
ଶିକ୍ଷିତ ହୁଅନ୍ତି ଶିକ୍ଷାର କ୍ଷେତ୍ରରେ
ଅଶିକ୍ଷାର ହୁଏ ଅନ୍ତ ।
ରାଷ୍ଟ୍ର ଭକ୍ତ ସେହୁ ନୁହନ୍ତି କେବେରେ
ରାଷ୍ଟ୍ର ପ୍ରେମୀ ଧ୍ୟାନ ଦେବେ,
ଦେଶ ବିରୋଧିଙ୍କ ସତ୍ତାର କାମନା
ବିନାଶ ମୁଳୁ କରିବେ ।