ଦୁଲୁକି ମାରୁ ଢ଼େଉ
ଦୁଲୁକି ମାରୁ ଢ଼େଉ
ତୁମକୁ ନିତି ଭାବେ
କାମରେ କାର୍ଯ୍ୟରେ
ଶୟନ ସପନ କିମ୍ଵା ଗୋପନରେ
ତୁମ ସହିତ ନିତି ଗପିବା
ତୁମେ ଏମନ୍ତ କହିଥାନ୍ତ
ତୁମେ ସେମନ୍ତ କହିଥାନ୍ତ
ଗପି ଗପି ଶେଜ ଶୁଙ୍ଘିବା ଏକା ଏକା
ତୁମକୁ ନିତି ମନେ ପକେଇବା
କଳ୍ପନାରେ ଖେଳିବା
ଭାବନାରେ ମିତ ବସିବା
ନିରୋଳା ନିରଵ ନିଃଶବ୍ଦ ବେଳାରେ
ସବୁ ନିତି ଦିନିଆ ହେଲାଣି
ଗତାନୁଗତ ଦେହଶୁଆ ହେଲାଣି
ସୁ- ଅଭ୍ୟାସ ବା କୁ-ଅଭ୍ୟାସ ଜାଣି ପାରୁନି
ତୁମ ସ୍କୃତିର ହିସାବ
ତୁମ ପ୍ରୀତିର ନିକାସ
ତୁମ ପ୍ରେମର ପାଉଣା
ତୁମ ସ୍ନେହର ମୂର୍ଚ୍ଛନା
ସହି ଦେଉନି କି ରହି ଦେଉନି
ମୁଁ କହୁଥିଲି କି ଗ୍ରୀଷ୍ମ ପ୍ରବାହ ସରୁ
ଜ୍ୟେଷ୍ଠ ଦାରୁଣ ଦୁର୍ବାସା ମରୁ
ଆଷାଢ ଆସୁ ଆସୁ ଜାଣ
ତୁମେ ଆସିବ ରହିଲା ରାଣ
ସାନ ଖୁଡି କହୁଥିଲେ ଶୁଣିବ
ଲାଜ ସରମ ଲାଗୁନି କହିବ
ଗୋଟିଏ ରେ ସରିଲା କି
ଅଧା ଡଜନ ଖଣ୍ଡେ ହେଉ
ଖାଲି ଅଗଣା ଦାଣ୍ଡ ପୋଖରୀ
ଦୁଲୁକି ମାରୁ ଢେଉ ।