ଦୁଇ ବୁନ୍ଦା ଲୁହ
ଦୁଇ ବୁନ୍ଦା ଲୁହ
ସୁଖର ଚିହ୍ନ ତୁ
ଦୁଃଖର ବନ୍ଧୁ
ଶୁଭ୍ର, ସ୍ବଚ୍ଛ,କାଚକେନ୍ଦୁ
ଛଳ ଛଳ, ଢଳ ଢଳ
ମୁକ୍ତା ଦୁଇ ବିନ୍ଦୁ ।
ତୁ କାହାର ବା ସାଥୀ ନୁହେଁ !
ବିଶ୍ବ ନିୟନ୍ତାଙ୍କ ଅମୂଲ୍ୟ ସ୍ରୁଷ୍ଟିଟିଏ,
ଖୁସିର ବିନ୍ଦୁରୁ
ତୁ କେବେ ପାଲଟୁ
ପ୍ରେମର ଉଛୁଳା ନଈଟିଏ
କେବେ ଦୁଃଖର
ଉଜାଣି ସ୍ରୋତଟିଏ ।
ଢଳ ଢଳ ଆଖି ଭିତରେ
ତୁ କେବେ
ନିରବତାର ଭାଷା
ଉଛୁଳା ଆଖିରେ
ତୁ କେବେ
ଅନ୍ତହୀନ ତମସା ।
ତୁ ଦୁଇବୁନ୍ଦା ଲୁହ ନୁହେଁ
ହୃଦୟକୁ ବୁଝୁଥିବା
ନିରୋଳା ବନ୍ଧୁଟିଏ ।