ଦୁଃଖ
ଦୁଃଖ
1 min
189
ଦୁଃଖର୍ କଥା କହେମି କାହାକେ
ଚିଠି ଖଣେ ଲେଖୁଛେ ତତେ,
ତୁଇଁ ପଲେଇଗଲୁ ମଥୁରା ପୁର
କରିଦେଇ ହିନିସ୍ତା ମତେ ।
ଯେନ୍'କେ ଗଲେ କାହ୍ନୁରେ ମୁଇଁ
ତୋର୍,ମୋର୍ କଥା ପଡୁଛେ,
ଠକି ଦେଇକରି ପଲାଲା କାହ୍ନା
ଏଛେନ୍ ରାଧାକେ ଠିକ୍ ହେଇଛେ ।
ଲୋକ୍ ,ମାଏଝି ମାନଙ୍କର୍ କଥା ଛାଡିଦେ
କଦମ୍,ଯମୁନା ମୁହୁ ମୁଡୁଛେ,
ଯେତେବେଲେ କାହ୍ନୁ ନାଇ ଆଏବା
ଆମର୍ ନିକେ ନାଇ ଆସବୁ କହୁଛେ ।
ସୁନୁଛୁ'ତ୍ କାହ୍ନୁ କେତେ ଦୁଃଖ୍ ସହୁଛେ
ତୁଇଁ ପଲାଲା ଦିନୁ ମଥୁରା,
ଦିହିଟା ମୋର୍ ନସିଗଲାନ
ସୁନିକରି ସମ୍'କର୍ ଟାହି,ଟାପରା ।
ହେତିର୍'ଲାଗି ତତେ ଚିଠି ଲେଖିଛେ
ଆ ପଲେଇ ଆ ଗୋପପୁର୍'କେ,
ମୋର୍ ଦୁଃଖ୍'କେ ଦେଖିଆ କାହ୍ନା
ତମର୍ ରାଧା ଡାକ୍ ଦେଉଛେ ତମ୍'କେ ।