ଦୁହେଁ ତ ଦୁହିଁଙ୍କ ପାଇଁ
ଦୁହେଁ ତ ଦୁହିଁଙ୍କ ପାଇଁ
ତୁମେ ଯଦି ହୁଅ ବିଶାଳ ଆକାଶ
ମୁଁ ତୁମର ଧ୍ରୁବ ମଣି
ତୁମେ ଯଦି ହୁଅ ସୂରୁଜ ଆକାଶେ
ମୁଁ ତୁମର ଉଷ୍ମସିନୀ ।
ତୁମେ ଯଦି ହୁଅ ଭସା ବାଦଲ ହେ
ମୁଁ ତୁମର ବର୍ଷା ରାଣୀ
ତୁମେ ଯଦି ହୁଅ ବିଶାଳ ସାଗର
ମୁଁ ତୁମର ଢେଉ ରାଣୀ ।
ତୁମେ ଯଦି ହୁଅ ବିଶାଳ ପର୍ବତ
ମୁଁ ତୁମର ପ୍ରତିଧ୍ୱନି
ତୁମେ ଯଦି ହୁଅ ସୁମଧୁର ତାନ
ମୁଁ ତୁମର ବଂଶୀ ଧ୍ୱନି ।
ତୁମେ ଯଦି ହୁଅ ମନ୍ଦିରେ ଦେବତା
ମୁଁ ତୁମର ଶଙ୍ଖଧ୍ୱନି
ତୁମେ ଯଦି ପିନ୍ଧ ପାଟ ପିତାମ୍ବରୀ
ମୁଁ ତୁମର କୁଞ୍ଚକାନି ।
ତୁମେ ଯଦି ହୁଅ ଝଙ୍କା ବରଗଛ
ମୁଁ ତୁମ ଶୀତଳ ଛାଇ
ତୁମର ମୋହର ଏମିତି ସମ୍ପର୍କ
ଦୁହେଁ ତ ଦୁହିଁଙ୍କ ପାଇଁ ।