ଦରବୃଦ୍ଧି ବାଧେ ନାହିଁ ଆମକୁ
ଦରବୃଦ୍ଧି ବାଧେ ନାହିଁ ଆମକୁ
ସ୍ୱାଧୀନ ପାଇଛେ, ସମ୍ଭାବନାର ସବୁ ପ୍ରାଚୁର୍ଯ୍ୟ
ରହିଅଛି ଆମ ଦେଶରେ
କାର୍ଯ୍ୟ, ଅଦୃଶ୍ଯ, ଜଟିଳ କର୍ମ ଗୁଣେ ବଂଚୁଛେ,
ଭାଗ୍ୟ ନାମେ ଦୋଷ ଦେଇରେ | ୧|
ନେତାମାନେ ନିର୍ବାଚନ ବେଳେ ସପନ ଦେଖାନ୍ତି
ସବୁ କରିଦେବୁ ଶସ୍ତା
ସରକାରରେ ବସିଲା ପରେ ସବୁ ମହଙ୍ଗା କରିଣ
ଲୋକଙ୍କୁ କରନ୍ତି ହିନସ୍ତା |୨|
ଦେଖ ଖାଉଟି ସାମଗ୍ରୀ, ପେଟ୍ରୋଲ ଦାମ ଆକାଶ
ଛୁଆଁ ହୋଇଛି
ସବୁ ଦ୍ରବ୍ୟର ଦର ବଢେ ହୁ ହୁ ହୋଇ, ଆମ ଆଖି
ରେ ଲୁହ ଭରିଛି |୩|
ପରିସ୍ଥିତି ସୁଧିରିନି, ପରିଚୟ ବଦଳିନି, ସ୍ୱାଧୀନତା
ପାଇବା ପରେ
କୃଷକ ଆଜି ବି କରଇ ଅନ୍ୟ ବିଲରେ ଚାଷ, ବଞ୍ଚୁଛି
ଶୂନ୍ୟ ହାତରେ |୪|
ତେଲ ଲୁଣ ସଂସାରରେ ହୋଇଛି ଆମ ସମସ୍ତଙ୍କ
ଜୀବନ ଅସହାୟ
ସତ ନୂହେଁ କି ଶ୍ରମିକ ଖଟିଲେ ଖାଏ ଭାତ, ନାହିଁ
ତାର ପରିଚୟ |୫|
ଦର ବାଧେ ନାହିଁ ଆମକୁ, ନେତାଏ ବୁଲନ୍ତି ଏ
ଦେଶର ଅର୍ଥରେ
ଦେଶଙ୍କୁ ଲୁଟନ୍ତି, ଲୋକଙ୍କୁ ଶୋଷନ୍ତି, ନାନା
ମିଥ୍ଯା କଥା କହି କହିରେ |୬|