ଦୋଳ
ଦୋଳ
1 min
135
ଫଗୁଣ ଆସେ ରଙ୍ଗ ବରଷେ
ଫୁଲ ଅଗଣା ମହକି ବାସେ
ଆମ୍ବ ବଉଳ ସୁନ୍ଦର ଦିଶେ
ପାଣି ପବନ ଆକାଶ ହସେ ।।
ହସଇ ମଠ ହସେ ମନ୍ଦିର
ବାଜା ରୋଷଣୀ ଭାରି ସୁନ୍ଦର
ବିମାନେ ବସି ଦୋଳ ଠାକୁର
ବୁଲନ୍ତି ପ୍ରଭୁ ଘରକୁ ଘର ।।
ଭକ୍ତ ଦୁଆରେ ଠାକୁର ଆସି
ଭୋଗ ଖାଆନ୍ତି କୃପା ବରଷି
ରଙ୍ଗ ଅବିର ମୁହଁ ରେ ନେସି
ଜୋଛନା ଢାଳେ ସରଗ ଶଶି ।।
ଗାଁଆ ଗାଆଁରେ ଦୋଳ ମେଲଣ
ଆସନ୍ତି କେତେ ଦୋଳ ବିମାନ
ହୁଅଇ ମେଳା ହୁଏ କିର୍ତ୍ତନ
ହରି କରନ୍ତି ହର ଦର୍ଶନ।।
ଦୋଳରେ କଲେ ଦୋଳ ଦର୍ଶନ
ମିଳଇ ପୂଣ୍ଯ ଜୀବନ ଧନ୍ଯ
ହସ ଖୁସିର ପର୍ବ ମହାନ
ଭୁଲାଇ ଦିଏ ଦୁଃଖ କଷଣ ।।