ଧରମ ମାସ କାର୍ତ୍ତିକ

ଧରମ କରମ ଭାଗ୍ୟ ଭଗବାନ

ସମୟର ଆବର୍ତ୍ତନ

ଦେହ ମନ ମୁନ ଚଇତନ ଜ୍ଞାନ

ମସ୍ତିଷ୍କର ଅନ୍ତଃ ଗୁଣ ll

ବାର ମାସେ ପରା ତେର ପର୍ବ ଯାତ୍ରା

ପ୍ରତି କ୍ଷଣ ମୂଲ୍ୟବାନ

ବୁଝିଟି ପାରିଲେ ଦର୍ଶନ ଜାଣିଲେ

ସାର୍ଥକ ହେବ ଜୀବନ ll

ନାହିଁ ଉଷ୍ମ ଶୀତ ହେମନ୍ତେ କାର୍ତ୍ତିକ

ଉପଯୁକ୍ତ ପାଣିପାଗ

ଚାଷ ବାସ ଶେଷ ନାହିଁ ଦେହେ କ୍ଳେଶ

ଧାର୍ମିକ ପାଇଁ ଆବେଗ ll

ପୂଜା ଆରଧନା ଠାକୁର ମହିମା

ପାଇଁ ହୁଏ ଯଜ୍ଞ ବ୍ରତ

ସକାଳ ସଞ୍ଜରେ ବିଭୁଙ୍କ ଭକ୍ତିରେ 

ପରିବେଶ ମୁଖରିତ ll

ଆମିଷ ବର୍ଜନ ନାମ ସଂକୀର୍ତ୍ତନ

ପ୍ରଭୁନାମ ମହାମୃତ 

ଅଭ୍ୟାସ ମାସରେ କଲେ ନିରନ୍ତରେ

ମିଳିଯିବ ଆଶୀର୍ବାଦ ll

କାର୍ତ୍ତିକରେ ଧର୍ମ ଛାଡ଼ ଅଵଗୁଣ

ସ୍ଵଭାଵ ହେଉ ବିନୟ

ଶାକାହାରୀ ହୋଇ ଜୀବେ ଦୟା କରି

ସତ୍ୟ କୁ କର ପାଥେୟ ll

ମନ ଆଇଁଷରେ ଧନ ଠକିବାରେ

ପରଚର୍ଚ୍ଚା ବିବେକରେ

କରି ପ୍ରତ୍ୟାହାର ମାନବବାଦର

ଧ୍ୟାନ ରହୁ ହୃଦୟରେ ll

କାର୍ତ୍ତିକ ମାସର ପୂଣ୍ୟର ଆଦର

ସବୁ ମାସେ ହେଲେ ବ୍ରତ

ମାସର ସୁବାଷ ପ୍ରଭୁଙ୍କ ଆଶିଷ

ଭକ୍ତଙ୍କୁ ମିଳେ ନିଶ୍ଚିତ ll