::ଦେଶ ବନ୍ଦନା :: -ଡକ୍ଟର କୃତ୍ତିବାସ ନାୟକ

ଜାଗରେ ଜାଗ ଭାରତବାସୀ-ସଭିଏଁ ହେବା ସୈନିକ,

ଏକତା ବଳେ ଜଳାଇ ଦେବା- ସ୍ଵାଭିମାନର ଆଲୋକ | (ଘୋଷା )

ରାଣା-ପ୍ରତାପ ଶିବାଜୀ ପରି ସାହସ ଭରି ମନରେ,

ଜାତିର ଗର୍ବ ଗୌରବ ଗାଥା ଶୁଣାଇଦେବା କାନରେ |

ସୁଭାଷ ଆଉ ପଟେଲ ପରି ବୀର ଅଛନ୍ତି ଅନେକ |

ଜାଗରେ ଜାଗ ଭାରତବାସୀ-ସଭିଏଁ ହେବା ସୈନିକ |(1)

ମହାଭାରତ ରାମାୟଣରେ ରହିଛି ଯେଉଁ ଚରିତ୍ର,

ଗୀତା ପୁରାଣ ଇତିହାସରେ ତ୍ୟାଗ ପ୍ରେମ ହିଁ ବିଚିତ୍ର |

ଯୁଗ ଯୁଗକୁ କୋଟିଏ ପ୍ରାଣେ ଜଗାଇ ଦେବା ପୁଲକ |

ଜାଗରେ ଜାଗ ଭାରତବାସୀ-ସଭିଏଁ ହେବା ସୈନିକ | (2)