ଡାକେ ଭଗତ ସିଂ
ଡାକେ ଭଗତ ସିଂ
ସିଂହ ଛୁଆ ମୁଁ ଭଗତ ସିଂ ଶୁଣ
ହେ ସଫେଦ କୁକୁର ଦଳ l
ଶାସନ ଦଣ୍ଡ ହାତେ ଧରିଛ ଜାଣ
ତୁମର ପୁରିଲା କାଳ l
କାହିଁ ଗଲା ସେ କ୍ରୁର ଡାଇଆର
ମଣିଷ ରକ୍ତେ ଖେଳି ହୋଲି l
ରକ୍ତିମ ମାଟି ସାଇତି ରଖିଛି ରକ୍ତ
ମୋହର ଫୁଟୁଛି ଖାଲି l
ମୋଡ଼ିବି ମୁଣ୍ଡ ଭାଙ୍ଗିବି ଦଣ୍ଡ ଶୁଣରେ
ବେପାରୀ ଡକାୟତ l
ଭାରତ ମାତାର ସ୍ତନ ପିଇ ମୁଁ ଭୀମ
ବଳ ଶକ୍ତ ଦି' ହାତ l
ସ୍ୱାଧୀନତା ମୋ' ଜନ୍ମ ଅଧିକାର
ହୁସିଆର ହୋ ହୁସିଆର l
ଶପଥ ନେଇଛି ମାଆ ନିକଟେ ମୁଁ
ରକ୍ତେ କାଟି ତିନି ଗାର l
ପଞ୍ଜାବ ସିଂହ ଲାଲା ଲଜପତେ
ମାରିଛ ତୁମେ ପିଟି ପିଟି l
ବୋମା ଫିଙ୍ଗିଲି ସ୍କଟ ବୁକୁରେ
ସହି ପାରିଲାନି ଜମା ଛାତି l
ଫାଶୀ କାଠରେ ଝୁଲୁଛି ହସି ମୁଁ
ଶୋଚନା ନାହିଁ ତିଳେ ମାତ୍ର l
ମୋ ରକତୁ ଜାଣ ଜନ୍ମ ଲଭିବେ
ବୀର ବିପ୍ଲବୀ ଶତ ଶତ l
ଧନ୍ୟ ଭାରତ ଯୋଗ୍ୟ ସୁତ ହେ
ଧନ୍ୟ ତୁମର କ୍ରାନ୍ତି କାହାଣୀ l
ଭାରତ ବାସୀ ଗାଉ ଥିବେ ସଦା
ପ୍ରାଣସ୍ପର୍ଶୀ ସେ ଦୀପ୍ତ ବାଣୀ l