ଦାୟିତ୍ବବୋଧ

ଘୂର୍ଣ୍ଣାୟମାନର ପରିଧି ଭିତରେ

ଦାୟିତ୍ୱବୋଧ ମୁଣ୍ଡାଇ

ଥକି ପଡ଼େ ସିନା ସଂସାରୀ ମଣିଷ

ଦାୟିତ୍ବ ଓହ୍ଲାଏ ନାହିଁ

କର୍ମେ ବିଜଡ଼ିତ ରହି

ସୂରୁଯ ସମ ଯେ ଦାୟିତ୍ଵ ତୁଲାଏ

ଗୁଣଗ୍ରାହୀ ପରା ସେହି ।

ହେଳା ନ କରଇ କର୍ତ୍ତବ୍ୟ କର୍ମରେ

ଭାବି ନିଜର ଦାୟିତ୍ଵ 

ଶୃଙ୍ଖଳିତ ପରିମାର୍ଜିତ ପଥର

ଆଶରା ବୁଝି ମହତ୍ବ

ନିଶ୍ଚେ ସଫଳତା ପ୍ରାପ୍ତ

ହାରେ ନାହିଁ କେବେ ଜୀବନ ସଂଗ୍ରାମେ

ସର୍ବଦା ରହେ ବିଜିତ ।

ଠିକ୍ ଠିକ୍ ରୂପେ ନିଜର ଦାୟିତ୍ଵ

ପାରେ ନାହିଁ ଯେ ତୁଲାଇ

ଯେଉଁ କର୍ମେ ସିଏ ହାତ ଦେଇଥାଏ

ଶେଷ କରି ନ ପାରଇ

କର୍ମେ ଗୁରୁତ୍ବ ନ ଦେଇ

ଦାୟିତ୍ବହୀନତା ତା' ଅପାରଗତା

ଦିଏ ସୂଚିତ କରାଇ ।

ଦାୟିତ୍ୱବୋଧର ଯଥାର୍ଥ ସ୍ବରୂପ

ବୁଝି ଯେ କର୍ମ ସାଧଇ

ଆସି ଯେତେ ବାଧା ପଥେ ହେଲେ ଉଭା

କ୍ଷତି କରି ନ ପାରଇ

ବାଟକୁ ଭାଙ୍ଗି ଚଳଇ

ସମାଜ ଆଖିରେ ଲାଖି ରହିଥାଏ

ସଫଳ ମଣିଷ ହୋଇ ।