ଚିଠି
ଚିଠି
ଚିଠି ଏବେ ଇତିହାସ ଡାକବାକ୍ସ ଖାଲି
କାଗଜ କଲମ କଥା ଲୋକେ ଗଲେ ଭୁଲି ।
ଖବର ତ ଆଣୁଥିଲା ଏଇ ଚିଠି ବୋହି
ଭାବ ଆଉ ଆବେଗର କଥା କେତେ ନେଇ।
ଦୂରଦେଶୀ ବନ୍ଧୁ ଅବା ପରଦେଶୀ ସାଥୀ
ମନକଥା ବୋହି ଆଣେ ଏଇ ଛୋଟ ଚିଠି ।
ପୁଅ ଗଲେ ବିଦେଶକୁ ସ୍ବାମୀ ଗଲେ ଦୂରେ
ଚିଠିକୁ ବସନ୍ତି ଚାହିଁ ଲୋକେ ଏଣେ ଘରେ ।
ଚିଠିରେତ ହେଉଥିଲା ଗପ ଗୀତ ଲେଖା
ଚିଠିର ମହକ ଥିଲା ପ୍ରେମ ପ୍ରିତି ମଖା ।
ଚିଠି ଥିଲା ଅପରୂପ ସାରସ୍ୱତ ସୃଷ୍ଟି
ମନଛୁଆଁ ଚିଠି କେତେ ପାଲଟିଛି ପୋଥୀ।
ଯେଉଁଦିନୁ ମୋବାଇଲ ହେଲା ଉଦ୍ଭାବନ
ସହିଦିନୁ ଚିଠି ହେଲା ସ୍ମୃତିରୁ ଉଭାନ ।
କେହି ଆଉ ଲେଖୁନାହିଁ କାହା ପାଇଁ ଚିଠି
ଶୁଭୁନାହିଁ କେଉଁଠାରେ ଡାକବାଲା ପାଟି ।