Library
Profile
ଚିଙ୍କୁ ଓ ଟିକି ଚଢ଼େଇ
ଚିଙ୍କୁ ଓ ଟିକି ଚଢ଼େଇ
ଚିଙ୍କୁ ଓ ଟିକି ଚଢ଼େଇ
ଟିକି ଚଢ଼େଇ ଟିକି ଚଢ଼େଇ
ଆ' ବସିବା ମିତ ,
ମୁଁ ଫୁଙ୍କିବି ବଇଁଶୀ ଯେବେ
ତୁ ଗାଇବୁ ଗୀତ ।।
ତୋର ସାଥିରେ ବଣ ମୁଲକ
ବୁଲେଇ ନେବୁ ମୋତେ ,
ମୋର ସାଥିରେ ବିଦ୍ୟାଳୟକୁ
ଧରି ମୁଁ ଯିବି ତୋତେ ।।
ଟିକି ଚଢ଼େଇ ମୁଣ୍ଡ ହଲେଇ
କହେ ନାଇଁରେ ଚିଙ୍କୁ ,
ବଡ଼ ଚଗଲା ତୋ ସାଥି ପିଲା
ଦୂରୁ ଜୁହାର ତାଙ୍କୁ ।।
ତୁ ସିନା ସୁନା ପିଲାଟେ ବୋଲି
ହୁଏ କଥା ତୋ ସାଥେ ,
ତୋ ସାଙ୍ଗ ନାଁ ଧରିଲେ ଭାରି
ଭୟ ଲାଗଇ ମୋତେ ।।
ଜାଣୁ କି ଚିଙ୍କୁ ସେମାନେ ଆମ
ପକ୍ଷୀ କୁଳ
ର କରି ,
ମୋ ପରି ଟିକି ପକ୍ଷୀ ଛୁଆକୁ
ନେଇଯାଆନ୍ତି ଧରି ।।
ନଦେଲେ ଧରା ଆମ ପାଖକୁ
ଟେକା ପଥର ଫିଙ୍ଗି ,
ବସାରୁ ଅଣ୍ଡା ବୋହି ନିଅନ୍ତି
ବସା ଦିଅନ୍ତି ଭାଙ୍ଗି ।।
ତା ଦେଖି ମନ ଦୁଃଖରେ ବସି
କାନ୍ଦେ ଆମରି ବୋଉ ,
ଆଖିରୁ ତା'ର ଲୁହ ତ ନୁହେଁ
ଝରଇ ଅବା ଲହୁ । ।
ମଣିଷ ଜାତି ବୁଦ୍ଧିଆ ବୋଲି
ନିଜକୁ ପରା ଭାବ ,
ପର ପରାଣେ ଆଘାତ ଦେଇ
ପାଅ ଭଲା କି ଲାଭ ??
ବଳ ତୁମର ବାହୁରେ ଅଛି
ମୁଣ୍ଡରେ ଅଛି ବୁଦ୍ଧି ,
ତା ଦ୍ଵାରା କଲେ ଅନ୍ୟର ହିତ
ଲଭିବ ସିନା ସିଦ୍ଧି ।।
