ଛନ୍ଦା ଚରଣରେ ବନ୍ଧା ଏ ପରାଣ
ଛନ୍ଦା ଚରଣରେ ବନ୍ଧା ଏ ପରାଣ
ତୋ ଛନ୍ଦା ଚରଣ କରିଲେ ଦର୍ଶନ
ଲାଗି ରହେ ମନ ମୋର
ଦରଶନେ ତୋର ଶାନ୍ତ ହୁଏ ପ୍ରାଣ
ତୁମ୍ଭ କୃପା ଦରକାର ll
ତୋର ଠାଣି ଦେଖି ଆଚମ୍ବିତ ଆଖି
ନ ଦେଖିଲେ ହୁଏ ଝୁରି
ଯେତେ ବି ଦେଖିଲେ ଅଧୁରା ହୃଦୟେ
ଦେଖିବାକୁ ହୁଏ ଘାରି ll
ପ୍ରଭୁ ବଂଶୀଧର କାହ୍ନୁ ଗୋପୀଙ୍କର
ମୟୂର ଚୂଳିଆ ଧନ
ତୁମ ପ୍ରୟରରେ ପ୍ରଣିପାତ କରେ
ଦିଅ ପ୍ରଭୁ ସଦଜ୍ଞାନ ll
ତୁମରି ଦାନ ଏ ଦୁର୍ଲଭ ଜୀବନ
ତୁମ ନାମ ସଦା ଗାଉ
ତୁମରି ଚରଣେ ଭକ୍ତି ଭାବେ ମନେ
ସମର୍ପଣ ଭାବ ଥାଉ ll
କରୁଛି ଜଣାଣ ବନ୍ଧା ଏ ପରାଣ
ତୁମେ ମୋର ପ୍ରାଣନାଥ
ଅନାଥର ନାଥ ମୁଇଁ ଯେ ଅନାଥ
କୃପାକର ଜଗନ୍ନାଥ ll