ଚାଲିବ ଗାଡି ଜାଣିଲେ ରୁଡ଼ି

ବାର ମହଣ ଘିଅ ହୋଇବ,

        ରାଧିକା ନାଚିବ,

ଇଛା ଯେବେ ଘୋଡ଼ା ହୋଇବେ,

        ଭିକାରୀ ଚଢ଼ିବ !!

ଉଠିଲା ଗଛ ପତ ରୁ ଜଣା,

        ନୀତି ପ୍ରକୃତିର,

ନେତାଙ୍କ କଥା ପାଣିରେ ଗାର,

        ଅଟନ୍ତି ଟାଉଟର !!

ତେଲିୟା ମୁଣ୍ଡେ ତେଲ ମାରନ୍ତି,

        ଭୁଲି ନିଜ ଜ୍ଞାନ,

ଗାଁ କନିଆଁ ସିଙ୍ଗାଣି ନାକୀ,

        ନପାଏ ସମ୍ମାନ !!

ଅନ୍ଧକି ଜାଣିବ ଦର୍ପଣ ମୂଲ,

        ଜୀବନ ଅନ୍ଧାର,

ଗାଁ ଶୁକରି କି ହୋଇବ ଗାଈ,

        ଖାଇ ଲବଣି ସର !!

ନଈ ନ ଦେଖୁଁ ନହୁଏ ଲଙ୍ଗଳା,

        ଭବିଷ୍ୟ ଅସ୍ଥିର,

ହାତେ ମାପି ଚାଖଣ୍ଡେ ଚାଲ,

        ନିୟମ କଳିଯୁଗର !!