ଚାକିରି ବୟସ
ଚାକିରି ବୟସ
ଲାଗେ ମୋତେ କାବା ଶୁଣି ଏହି କଥା
ଚାକିରି ବୟସ ସୀମା
ଧନ୍ୟ ସରକାର ଏ କଣ ବିଚାର
ଇଚ୍ଛା ଥାଇ କାମ ମନା l
ଅବସର ନେବା ବୟସ ଷାଠିଏ
ବତିଶ ଚାକିରି ସୀମା
ପାରେନା ବୁଝିତ ପରେଯେ ବତିଶ
ଅଯୋଗ୍ୟତା ପ୍ରତାରଣା l
ଚାକିରି ପାଇଲେ ଆରାମେ ରହିଲେ
ଦରମାଟା ଶେଷେ ପକା
ଯୋଗ୍ୟତା ଥାଇକି ଏକ ଚାକିରୀରେ
ସର୍ବଦା ମନରେ ରକା l
ଚାକିରି ପାଇଁକି ସର୍ବୋଚ୍ଚ ବୟସ
ନିହାତିକି ଆବଶ୍ୟକ
ବାରେ ଚିନ୍ତା କର ଚାକିରି ନ ପାଇ
ଯୋଗ୍ୟ ହୁଏ ବାସୀ ପୋକ l
ଚାକିରି ପାଇଁକି ନିମ୍ନ ବୟସଟି
ସ୍ଥିରୀକୃତ ଗ୍ରହଣୀୟ
ସର୍ବୋଚ୍ଚ ବୟସ ପରିହାର ହେଉ
ସଭିଙ୍କୁ ମିଳୁଯେ ନ୍ୟାୟ l
ଆଶା କରୁଅଛି ଜାଗରଣ ହେଉ
ବେକାରୀ ମନର କୋହ
ସରକାର ତୁମେ ପ୍ରତ୍ୟାହାର କର
ସର୍ବୋଚ୍ଚ ବୟସ ମୋହ l