ବ୍ୟାଧି, ବାଲ୍ୟ ବିବାହ

ନାରୀଟିଏ, ମନ ସଦା ତାର ଗାଏ 

ସ୍ନେହ ପ୍ରୀତିର ରାଗିଣୀ

ଇନ୍ଦ୍ରଧନୁ ରଙ୍ଗେ ତୋଳିବ ପରଦେଶୀ,

ତାର ନାଲିର ଓଢ଼ଣୀ ।

ବାଲ୍ୟ ବିବାହ ଏକ ସାମାଜିକ ବ୍ୟାଧି,

ମୋର ଏହି ଭାରତରେ

ନାରୀର ପ୍ରୀତିର ସ୍ପନ୍ଦନ ଭାଙ୍ଗି ଦିଏ 

ଅଶିକ୍ଷା ଓ ଅନ୍ଧ ବିଶ୍ୱାସରେ ।

ବାଲ୍ୟ ବିବାହରେ ଅଶିକ୍ଷିତ ହୋଇ 

ଝିଅଟିଏ ହୁଏ ଅନାଦର

ଅନ୍ଧବିଶ୍ୱାସରେ କେତେ କନ୍ୟା ବାଲ୍ୟ

ବିଧବାର ହୋଇଛନ୍ତି ଶିକାର ।

1929 ମସିହାରୁ ବାଲ୍ୟ ବିବାହ ବିରୁଦ୍ଧ

ଆଇନ ଲାଗୁ ହେଲା

ନରୋକିବାରେ, 2006 ରୁ ବାଲ୍ୟ ବିବାହ 

ବିରୁଦ୍ଧ ନୂଆ ଆଇନ ଜାରି ହେଲା ।

ବାଲ୍ୟ ବିବାହ ଘଟୁ ଅଛି, ତେଣୁ କଡା

ଆଇନ ତ ଲାଗୁ ହୋଇଅଛି

ରକ୍ଷଣଶୀଳ ମନୋବୃତ୍ତି ଯୋଗୁଁ ତାହା 

ଖାଲି ପୋଥିରେ ରହିଅଛି ।

ବାଲ୍ୟ ବିବାହ ଘଟୁଅଛି, ସେଥିପାଇଁ ଶିଶୁ

ମୃତ୍ୟୁ ହାର ବଢୁଛି ଦେଶରେ 

ସେହି କୋମଳ କଳିକା କେବେ ହେବ ଆନନ୍ଦିନୀ 

ଆମ ମହାନ୍ ଭାରତ ମଧ୍ୟରେ ।

ଅନ୍ଧତ୍ୱରେ ଦିଶୁଅଛି ତାର ସ୍ୱପ୍ନ ବହୁ

ଦୂର ଦିଗନ୍ତରେ  

କେବେ ଉଦିତ ହେବ ଅଂଶୁମାନ, ଫୁଟିବ 

ମଧୁବନ ମରୁ ପ୍ରାଙ୍ଗଣରେ ।

ଆଜି ପ୍ରତ୍ୟେକ ଭାରତୀୟଙ୍କୁ ସେହି ଆଶାର 

କୋଣାର୍କକୁ ଗଢ଼ିବାକୁ ହେବ

ହେ ମୋର ଭଉଣୀ ଭାଇ, ରୋକିବା ବାଲ୍ୟ

ବିବାହ, ଶପଥ ନେବାକୁ ହେବ ।

ଆସ, ବାଲ୍ୟ ବିବାହକୁ ରୋକିବା ପାଇଁ କି 

ଦୃଢ ପଦକ୍ଷେପ ନେବା

ଉପଯୁକ୍ତ ବୟସେ ବିବାହ କରିବା ପାଇଁ କି,

ଦୃଢ ସଚେତନତାର ପଦକ୍ଷେପ ନେବା ।