ବୁଝିବା ଟିକେ କଷ୍ଟ
ବୁଝିବା ଟିକେ କଷ୍ଟ
ସମୁଦ୍ର କୂଳରେ ଠିଆ ହୋଇ
ଛୋଟ ଛୋଟ ଲହରୀକୁ ଉପଭୋଗ କରିହୁଏ
ଆଉ ସେଇ ଲହରୀମାଳ ହୁଏତ
ଆସି ଆମ ପାଦ ଛୁଇଁ ଚାଲିଯାଆନ୍ତି
ହେଲେ ସେଇ ଲହରୀ ଯେ କେବେ
ଭୟଙ୍କର ରୂପ ନେଇ ସବୁ ନଷ୍ଟ କରିଦିଏ
ତାର ଆଭାସ କିଏ ପାଇଛି।
ବିଶାଳ ସାଗର ଗର୍ଭରେ ହୁଏତ
ସେଇ ଲହରୀ ହିଁ ସୃଷ୍ଟି ହୁଏ ନାହିଁ
ହେଲେ ତାର ଉତ୍ପତ୍ତି ସ୍ଥଳ ଯେ କେତେ ଭୟଙ୍କର
ଯିଏ ଦେଖିଛି ସିଏ ହିଁ ଜାଣିଛି।
ନୀଳ ସାଗରର ଛୋଟ ଢେଉମାଳ
ହୁଏତ ଗୋଟେ ସ୍ଵରରେ ସଙ୍ଗୀତ ଗାଆନ୍ତି
ହେଲେ ସେଇ ଢେଉର ଘୋର ଗର୍ଜନକୁ
ଯିଏ ବୁଝିଛି ସିଏ ହିଁ ଜାଣିଛି।
ମନରେ ପ୍ରେମ ଭରିଦେଉଥିବା
ଏଇ ଲହରୀ ମାଳ
ମନକୁ ଶାନ୍ତ କରିଦେଉଥିବା
ଏଇ ସାଗର କୂଳରେ ସନ୍ଧ୍ୟା ସମୟ
କେବେ ଯେ ନିଜେ ଅଶାନ୍ତ ହେଇଯାଏ
ବୁଝିବା ଟିକେ କଷ୍ଟ ହେଇଯାଏ।