ବୁଢାଶଙ୍ଖାରି ମୁଁ ବୁଢ଼ାଶଙ୍ଖାରି

ବୁଢ଼ାଶଙ୍ଖାରି ମୁଁ ବୁଢ଼ାଶଙ୍ଖାରି l

    ଶଙ୍ଖା ଗଢ଼ିଅଛି ଯତନକରି ll

ଘର ମୋ କଚେରୀ ଭଦରଖିଆ l

   ମୁଣ୍ଡେ ମୁଣ୍ଡାଇଛି ଶଙ୍ଖା ପାଛିଆ ll

ଜାତି ଜାତି ଶଙ୍ଖା ଏକକୁ ଆର l

   ଅଙ୍ଗ ବଙ୍ଗ କଳିଙ୍ଗରେ ଆଦର ll

ଶଙ୍ଖା କିଏ ନେବ ଶଙ୍ଖା କେ ନେବ l

  ମନକୁ ଘେନିଲେ ପାଉଣା ଦେବ ll

ଆସ ଆସ ମୋର ମାଆ ମାଉସୀ l

   ଶଙ୍ଖା ପିନ୍ଧାଇଵି ହାତରେ କଷି ll

ନାଲି ନେଳି ମୁକ୍ତା ରଙ୍ଗ ନାରଙ୍ଗୀ l

  କୁନ୍ଦପକା ଫୁଲ ହାତୀ କୁରଙ୍ଗୀ ll

ଶଙ୍ଖାକୁ ମୋହର ଉପମା ନାହିଁ l

 ଗୋପେ ପିନ୍ଧିଛନ୍ତି ଯଶୋଦା ଦେଇ ll

ଆସୁଅଛି ରଜ ପରବ ପରା l

   ମୁଣ୍ଡଫଟା ବଇଶାଖିଆ ଖରା ll

ଏପାଖେ ପର୍ବତ ସେପାଖେ ନଈ l

 &n

Advertisement

bsp;ମାଆ ମୋ କହିଛି ସେଇଠି ଥାଇ ll

ବୁଢ଼ା ପୁଅ ମୋର ସୁନାଟା ପରା l

  ଶଙ୍ଖା ଆଣିଦେବୁ ଆସମାନ ତାରା ll

ଶିଥିଳ ଗୋଡ଼ ମୋ ପାକୁଆ ପାଟି l

  ମାଆକୁ ମୋର କି ପାରିବି ଭେଟି ll

ଠୁକୁରୁ ଠୁକୁରୁ ଚାଲିରେ ଯାଇ l

   କି କହିବି ଫଟା କପାଳ ଭାଇ ll

ଦକା ମନ ମୋର ପାପ ଆଶଙ୍କା l

  ଭାଙ୍ଗିଯାଇଛି ମୋ ମାଆର ଶଙ୍ଖା ll

କି କରିବି ଆଉ ଏ ଶଙ୍ଖା ଝୁଡ଼ି l

   ଏହିଠାରେ ଦେଉଅଛି କଚାଡ଼ି ll

ବୁଢ଼ା ଶଙ୍ଖାରି ମୁଁ ବୁଢ଼ା ଶଙ୍ଖାରି l

  ହୀନକପାଳେ ମୋ ଥିଲା ଏପରି ll

ସାହିତ୍ୟ ରସିକ ଭାବୁକ ଭାଇ l

  ଶଙ୍ଖାଝୁଡ଼ି ମୋର ରଖିବ ନେଇ ll

ଉତ୍କଳ ସାହିତ୍ୟେ ଯତନ କରି l

   ବୁଢ଼ାଶଙ୍ଖାରି ମୁଁ ବୁଢ଼ାଶଙ୍ଖାରି ll