ବୋଉ ପରସା

ଥିଲି ଝିଅ ହେଲି ବୋହୂ

   ବଦଳି ଗଲା ପରିଚୟ

ଗଢ଼ିଲି ହାତେ ନୂଆଁ ସଂସାର

   ମନରୁ ତେଜି ଭୟ l

ପରକୁ ଆପଣା କରୁ କରୁ

  ନିଜକୁ ଗଲି ଭୁଲି

ବିତୁଥିଲା ସମୟ ଯାହାର ଦିନେ

  ହସି ଖେଳି ବୁଲି l

ପରିଚୟ ଗଢୁ ଗଢୁ ବୋହୁରୁ

    ହେଲିଣି ଆଜି ବୋଉ

ହସଖୁସିରେ ପୁରଇ ଘର

    ଆଶିଷ ସଦା ଥାଉ l

ହାତ ରାନ୍ଧଣା ଉଲ୍ଲାସେ ସର୍ବେ

  ଭୁଞ୍ଜନ୍ତି ନିଇତି ବସି

ଆତ୍ମ ସନ୍ତୋଷ ଭରଇ ମନେ

  ପରିବାର ହେଲେ ଖୁସି l

ଖୁସି ଭିତରେ ବେଳେ ବେଳେ

  ଭାଳଇ ମନ ମୋର

ବୋଉ ପରସା ସେଇ ଶରଧା

   ସମକେ ହେବ ତାର l

ଅମୃତ ପରାଏ ହାତରୁ ତା

   ସୁଧା କି ଝରେ

ସୁସ୍ୱାଦୁ ବ୍ୟଞ୍ଜନ ପରସି ଦିଏ

  ଘରକୁ ଯେବେ ଫେରେ l