ବୋଉ ଲୋ ବୋଉ

ବୋଉ ଲୋ ବୋଉ ସତ କହୁଛି

ହେବି ନାହିଁ ମୁଁ ଦୁଷ୍ଟ

ଭାଇ ଭଉଣୀ ମନରେ କେବେ

ଦେବି ନାହିଁ ମୁଁ କଷ୍ଟ ।

ବୋଉ ଲୋ ବୋଉ ମନ ଦେଇକି

ପଢିବି ନିତି ପାଠ

ଜୀବନେ କେବେ ଚାଲିବି ନାହିଁ

ମୁହିଁ ଅନ୍ୟାୟ ବାଟ ।

ବୋଉ ଲୋ ବୋଉ ଗୁରୁଜନଙ୍କୁ

କରିବି ସଦା ଭକ୍ତି

ଖୋଲମନରେ ଦେବାଦେବୀଙ୍କୁ

ପୂଜିବି ମଥାପାତି ।

ବୋଉ ଲୋ ବୋଉ ବହି ପତର

ସଜାଡି ରଖୁଥିବି

ଘରେ ଅଳିଆ ଦେଖିବି ଯଦି

ସଫେଇ କରିଦେବି ।

ବୋଉ ଲୋ ବୋଉ ବଡ଼ ହୋଇ ମୁଁ

ଭଲ ମଣିଷ ହେବି

ସାରା ରାଇଜେ ଦେଶ ଜାତିର

ଟେକ ମୁଁ ରଖିଦେବି ।

ବୋଉ ଲୋ ବୋଉ ଗୁରୁଜୀଙ୍କର

କଥା ଭୁଲିବି ନାହିଁ

ମାଟି ମାଆର ସେବା କରିବି 

ଜୀବନ ମୋର ଦେଇ ।