ବନ୍ଧୁ ହେବ

ଦୁଃଖୀଙ୍କୁ ଦେଖିଲେ ଝରାଇବା ଲୁହ

  ରୋଗୀକୁ ଦେଖିଲେ ମନେ

ଗୋପବନ୍ଧୁ ଭଳି ସେବା ମନୋଭାବ

   କରୁଥିବ। ତ ତକ୍ଷଣେ ।।

  ବନ୍ଧୁ ହେବ ଯଦି ବିପଦ ସମୟେ

    ନ ହେଲେ କି ଦରକାର

 ସମ୍ପଦ ସମୟେ ସମସ୍ତେ ମିଳନ୍ତି

   ଜୀବନଟା ଛାରଖାର  ।।

ବିପଦ ସମୟ ଆସିଛି ଜଗତେ

  ଆସ ଦେଖାଇବା ବଳ

ଦୀନ ଦରିଦ୍ରଙ୍କୁ କରିବା ସାହାଯ୍ୟ

  ପାଇବା ପୂଣ୍ୟର ଫଳ ।।

ବିପଦର ବନ୍ଧୁ ସାଜି ତ ପାରିବା

  ବିପଦ ବେଳରେ ଆଜି

ସଂସାର ଭାସୁଛି ଦୁଃଖର ସାଗରେ

   ଜୀବନ ଲାଗିଛି ବାଜି ।।

ସମୟର ଡାକ ସିପାହୀ ସାଜିବା

  ସାହାଯ୍ୟର ହାତ ଦେଇ 

ବିପଦର ବନ୍ଧୁ ହେବାକୁ ପଡିବ

  ନିଜ ଦୁଃଖ ଭୁଲି ଯାଇ ।।