ବନଭୋଜି ବେଶ

ଭାଦ୍ରବେ କେଶବ ଲୀଳା ଅଭିନବ

ବେଶ ବିଳାସୀ ବାସବ

ନୀଳାଦ୍ରି ମଣ୍ଡପ ପରେ ଅପରୂପ

ବପୁ ସଜ୍ଜିତ ଅପୂର୍ବ ।

ପ୍ରତାପରୁଦ୍ରଙ୍କ ଶାସନର ଅଙ୍କ

ଆରମ୍ଭେ ଶୁଭାଧିବାସ

ନନ୍ଦପୁର ନିନ୍ଦୀ ନୀଳାଦ୍ରି କନ୍ଦରେ

ହୁଏ ବନଭୋଜି ବେଶ ।

କୃଷ୍ଣ ବଳରାମ ନୟନାଭିରାମ

ବେଶ ବଶ କରେ ମନ

ସତେ କିବା ବନ ଭୋଜି ଅଭିଳାଷେ

ବନେ କରନ୍ତି ଗମନ ।

ଶିଙ୍ଗା ବେଣୁ ନ୍ୟସ୍ତ ଶ୍ରୀବିଗ୍ରହ ହସ୍ତ

ଚୂଳେ କନକର କିଆ

ରତ୍ନ ସିଂହାସନେ ଗୋବତ୍ସ ବିଗ୍ରହ

ସୁଠାମ ଠାଣିରେ ଠିଆ ।

ନନ୍ଦ ନନ୍ଦନଙ୍କ ସୁନ୍ଦର ପଦାଙ୍କ

ଅଙ୍କିତ ନୀଳ କନ୍ଦରେ

ବନ୍ଦେ ବୃନ୍ଦାବନ ବିହାରୀଙ୍କ ପଦ

ଯୁଗଳ ଅରବିନ୍ଦରେ ।