ବିତ୍ତମୟ

ବିଶ୍ବ ଦେଖ ବିତ୍ତମୟରେ ଜୀବନ

ବିଶ୍ବ ଦେଖ ବିତ୍ତମୟ

ବିତ୍ତର ପ୍ରାଚୁର୍ଯ୍ୟ କରିବ ହରଣ

ଯାବତୀୟ ଦୁଃଖ ଦୁର୍ଦ୍ଦଶା କଷଣ!!

ଜନକ ଜନନୀ ସୋଦର ଭଗିନୀ

ଏକାନ୍ତ କାମ୍ୟ ବିତ୍ତ ସବୁରି

ବିତ୍ତହୀନ ଲାଗି ନମିଳେ ଦୁହିତା

ତ୍ଯାଗପତ୍ର ଦିଏ ନବ୍ଯ ପରିଣିତା!!

ବିତ୍ତ ବିହୁନେ ନପୁରେ ଉଦର

ନହୁଏ ପ୍ରାପ୍ତ ସାମାନ୍ୟ ଆଦର

ଜନ୍ମରୁ ମରଣ ଦୁନିଆଁ ଦାଣ୍ଡରେ

ହୁଏ ହୀନିମାନ ବିତ୍ତହୀନ ନର!!

ବିତ୍ତ ଦୁନିଆରେ ବଞ୍ଚିବାର ମାପଦଣ୍ଡ

ପ୍ରତିଷ୍ଠା ସମ୍ମାନ ତା'ର ସହଚର

ବିତ୍ତ ବିନା ନାହିଁ ଗତି ମାନବର

ମୋହ ତା' ଏଡ଼ିବା ନିତାନ୍ତ ଦୁଷ୍କର!!

ବିତ୍ତର ବଳରେ ହୋଇ ବଳିୟାନ

ଏ ମୂଢ଼ ମାନବ ଭୁଲେ ମାନବତ୍ବ

ବିତ୍ତ ପ୍ରାପ୍ତି ଲାଗି ରଚେ ନାନା ଅପକର୍ମ

ନଥାଏ ସେ ପାଇଁ ତିଳେ ଅନୁତାପ!!

ହେ ବିଶ୍ଵ ନିୟନ୍ତା! ସବୁରି ବିଧାତା

ଦିଅ ଏ ମାନବେ ଟିକିଏ ସଦବୁଦ୍ଧି

ବିତ୍ତ ମାୟା ତ୍ୟଜି ତୁମ୍ଭ ପାଦପଦ୍ମେ

ଦେଉ ସମର୍ପି ଆପଣାର ଦୁଷ୍ଟମତି!!