ବିଶ୍ରାମ ଶିଳା

ଜୟ ତୁ ମଙ୍ଗଳା ମାତ ଜୟ କାକଟେଇ

ଅର୍ଦ୍ଧଯାମେ ସଂସାରେ ଭ୍ରମଣକରୁ ଯାଇ l

ସନ୍ତାନଙ୍କ ଦୁଃଖ ସୁଖ ବୁଝି ଫେରି ଆସୁ

କ୍ଲାନ୍ତି ନିବାରଣ ଅର୍ଥେ ଶିଳା ପରେ ବସୁ l

ତୋ ମନ୍ଦିରେ ରହିଅଛି ସେ ବିଶ୍ରାମ ଶିଳା

ଭାବି କରି ଭକ୍ତ କ୍ଷଣେ ହୁଅଇ ବାଉଳା l

ଉତ୍କଳ ସାଧବେ ପୂର୍ବକାଳେ ତୋତେ ସ୍ମରି

ଅଗାଧ ଜଳେ ଛାଡ଼ିଲେ ନିର୍ବିଘ୍ନରେ ତରୀ l

ଅଗାଧ ଜଳରେ ମାତ ତୋତେ ହିଁ ଭରସି

କଟିଯାଏ ବାଆ ବାତ୍ୟା ବରଷା ବତାସି l

ବେପାର ବଣିଜ ସାରି ତୋ ସନ୍ତାନ ଗଣ

ଘେନି ଆଣୁଥିଲେବୋହି ଜାତି ଜାତି ଧନ l

ମଙ୍ଗଳେ ରହିଲି ମା' ତୋ ଚରଣ ସୁମରି

ଭବ ବାରିଧିର ବକ୍ଷେ ମୋ ଦଦରା ତରୀ ।