ବିଶ୍ବ ପଖାଳ ଦିବସ ଉପଲକ୍ଷେ

ମାର୍ଚ୍ଚ ମାସର କୋଡିଏ ତାରିଖ

    ଅଟେ ପଖାଳ ଦିବସ

ଓଡ଼ିଆଙ୍କ ପଖାଳ କଂସାକୁ ଆଜି

   ପାଳୁଅଛି ସାରା ବିଶ୍ୱ ।

ଘର ଚାଉଳ ଓ ଚୁଲିରନ୍ଧା ବାସି

   ପଖାଳ ଖାଇଛି ଯିଏ 

ତାହାର ବାସନା ସେ ସିନା ଜାଣିଛି

   ଆଉ ବା ଜାଣିବ କିଏ ।

ଫଗୁଣ ମାସର ଆମ୍ବ କଷି ନସି

   ପକାଇ ପଖାଳ ଭାତ

ସାଥେ ଶାଗ ଭଜା, ବଡ଼ିଚୁରା

    କାକୁଡ଼ି, କଞ୍ଚା ଲଙ୍କା ସହିତ ।

ଦହି ପଖାଳ ସାଙ୍ଗରେ ଆଳୁଭଜା

    ବାରମଜା ଓ ପାମ୍ପଡ 

ସାଙ୍ଗ ସାଥି ହୋଇ ଖାଇବାରେ ମଜା

    ମନେ ପଡ଼େ ସେଇ ବେଳ ।

ଆଳୁ, ସାରୁ, ବାଇଗଣ ପୋଡ଼ା , ବଡ଼ି

    ସାଥିରେ ରସୁଣ ଥାଏ

କଲରା ଚିପସ, ସଙ୍ଗେ ମାଛ ଭଜା

    ଖାଇବା ଶହେରୁ ଶହେ ।

ବାଳକୃଷ୍ଣ ଦାଶ ପଖାଳ କଂସାକୁ

    ଗାଇ ଜନ ମନ କିଣି

ଏବେ ଲୋକମାନେ ସେହି ଗିତଟିକୁ

   ମନରେ ହୁଅନ୍ତି ଗୁଣି ।

କାଳିଆ ସାଆନ୍ତ ଟଙ୍କ ତୋରାଣି କୁ

  କିଏ ହେବ ସମ ସରି

ପିଇଅଛି ଯିଏ ତାକୁ ଜଣାଅଛି

   ସବୁବେଳେ ଥାଏ ଝୁରି ।

ଗ୍ରୀଷ୍ମ ଋତୁରେ ଯେ ପଖାଳ ଭାତଟି 

    ଦେହକୁ ଅଟଇ ହିତ

ପେଟ ଥଣ୍ଡା ରଖେ, ଖରା ବାଧେ ନାହିଁ

    ମନ ହୁଏ ପ୍ରଫୁଲ୍ଲିତ ।