Library
Profile
ବିଶ୍ଵାସ
ବିଶ୍ଵାସ
ଅଦୃଶ୍ୟ ଭାବରେ ସ୍ଥିତ ସୃଷ୍ଟି କର୍ତ୍ତା
ସୃଷ୍ଟି ହୋଇଛି ଜଗତ
ଧର୍ମ ଶାସ୍ତ୍ର ଆଧାରିତ ତଥ୍ୟ ପ୍ରାୟ
ବିଶ୍ୱାସରେ ଆଧାରିତ
ପ୍ରତି କ୍ଷେତ୍ରେ ପ୍ରାୟ ବିଶ୍ୱାସ ଜଡ଼ିତ
ସବୁରି ମୂଳେ ବିଶ୍ୱାସ
ସୃଷ୍ଟିର ରହସ୍ୟ ପୁରାଣ ପୋଥିରେ
ବିଶ୍ୱାସ ଯୋଗ୍ୟ ବିଶ୍ୱାସ
ବୁଝି ବୁଝେଇବା ଜାଣି ଜଣେଇବା
ଭଲ ମନ୍ଦ ପରଖିବା
ମଣିଷ କେବଳ ଉପଯୁକ୍ତ ଜୀବ
ଭାବ ପ୍ରକାଶ କରିବା
ପ୍ରେମ ପ୍ରୀତି ଅବା ସମ୍ପର୍କ ମୂଳରେ
ବିଶ୍ୱାସ ହିଁ କାର୍ଯ୍ୟରତ
ପ୍ରେମିକା ଅଥବା ପ୍ରାଣ ପ୍ରିୟା ପତ୍ନୀ
ବିଶ୍ୱାସ ସହ ଜଡ଼ିତ
ଜୀବନ ଯାତ୍ରାରେ ଭେଟ ହୁଏ ପ୍ରାୟ
ଅନେକ ଚିତ୍ର ଚରିତ୍ର
ବିଶ୍ୱାସ ସହିତ ସମ୍ପର୍କ ସ୍ଥାପନ
କ୍ରମେ ଭାବ ତ୍ୱରାନ୍ୱିତ
ଘର ପରିବାର ସମାଜ ସହିତ
ବିଶ୍ୱାସ ଆଧାର ଧାରେ
ଜୀବନର ପଥ ହୁଏ ସଞ୍ଚାଳିତ
ମନ ପ୍ରାଣ ବଚନରେ
ପ୍ରେମର ବନ୍ଧନ ଅବା ଭକ୍ତି ଭାବ
ବିଶ୍ୱାସ ସହ ଜଡ଼ିତ
ବିଶ୍ୱାସ ରେ ବିଷ ଭରି ଯାଏ ଯଦି
ଭାବରେ ଆସେ ବ୍ୟାଘାତ
ସ୍ବାର୍ଥ ଚିନ୍ତାଧାରା ଅବା ପ୍ରତିହିଂସା
ଭାବନା ହିଁ ଅଟେ ବିଷ
ଅନ୍ଧ ପରି ଥିବା ଚଳନ୍ତି ବିଶ୍ୱାସ
ରୂପ ନିଏ ଅବିଶ୍ବାସ
ସରଳ ନିଷ୍ପାପ ହୃଦୟ ରେ ଭାବ
ବିଶ୍ୱାସ ସହ ଉଦ୍ରେକ
ମନର ମଣିଷ ଅବା ବିଭୁ ପ୍ରେମ
ବିଶ୍ୱାସ ଅଟେ କାରକ
ବିଶ୍ୱାସ ଘାତକ ସଇତାନ ସମ
ଯଦି ବୁଣେ ବିଷ ମଞ୍ଜି
ଅକାଳରେ ଭାବ ବୃକ୍ଷ ପଡେ ଟଳି
କାରଣ ପାଏନି ଖୋଜି
ବିଶ୍ୱାସ ମୂଳେ ଏ ଜଗତ ସମ୍ପ୍ରତି
ହେଉଅଛି ଆତଯାତ
ବିଶ୍ୱାସ ସହିତ ଆଧ୍ୟାତ୍ମିକ ଭାବ
ହୃଦୟେ ଅଛି ଜଡ଼ିତ
ଆତ୍ମା ହିଁ ଅନନ୍ତ ଅସୀମ ସର୍ବତ୍ର
ଜୀବକୁ କରେ ଜୀବନ୍ତ
ଆତ୍ମା ବିନା ଦେହ ଧୂଳି ସହ ଧୂଳି
ବିଶ୍ୱାସ ସହ ଜଡ଼ିତ
ଅଜର ଅମର ଅନାଦି ଅନନ୍ତ
ବ୍ରହ୍ମ ହିଁ ମୂଳ ଆଧାର
ଅଟଳ ବ୍ରହ୍ମାଣ୍ଡେ ମାତ୍ର ବ୍ରହ୍ମ ସତ୍ୟ
ବିଶ୍ୱାସ ଅଟଇ ସାର
ବିଶ୍ୱାସ ପୂର୍ବକ ଭକ୍ତ ୠଷି ମୁନି
ବିଭୁ ପ୍ରେମରେ ବିହ୍ବଳ
ଭକ୍ତି ଭାବ ପ୍ରେମ ପ୍ରୀତି ଓ ସମ୍ପର୍କେ
ବିଶ୍ୱାସ କେବଳ ମୂଳ
ଜୀବନ ସହିତ ଜଡ଼ିତ ବିଶ୍ୱାସ
ବିଶ୍ୱାସେ ଫୁଟଇ ହସ
ବିଶ୍ୱାସରେ ବିଷ ପ୍ରୟୋଗ ବଳରେ
ନର୍କ ସମ ସହବାସ
ବିଶ୍ୱାସ ଅବିଶ୍ବାସ ଜ୍ଞାତ ଅଜ୍ଞାତ
ଜାଗ୍ରତ ଅବା ନିଦ୍ରିତ
ଅହରହ ଜପ ହେଉଛି ଅଜପା
ପ୍ରାୟତଃ ସ୍ବତଃ ପ୍ରବୃତଃ
ଅନବରତ ନିଃଶ୍ୱାସ ଓ ପ୍ରଶ୍ୱାସ
ଜାରି ରହିଛି ପ୍ରକ୍ରିୟା
ଅଜପା ନାମରେ ସାଧକ ବିଦିତ
ନିଃଶ୍ୱାସ ପ୍ରଶ୍ୱାସ କ୍ରିୟା
ବିଶ୍ୱାସ ଅଟଇ ଈଶ୍ୱର ସମାନ
ଭୟ ଭକ୍ତି ସହ ହେଉ
ଭାବ ସ୍ନେହ ପ୍ରେମ ଭକ୍ତି ଓ ସମ୍ମାନ
ସର୍ବଦା ଅକ୍ଷୁର୍ଣ୍ଣ ରହୁ
ପରୋପକାର ଓ ସେବା ଆଧାରରେ
ଜୀବନ ଉତ୍ସର୍ଗ ହେଉ
ନିଃଶ୍ୱାସ ନୁହଁଇ ବିଶ୍ଵାସର ଯୋଗ୍ୟ
ଏ କଥା ମନରେ ରହୁ
