ବିଶ୍ୱ ଯୋଗ ଦିବସ

  

ଜୁନ ମାସର ଏକୋଇଶି ତାରିଖ

    ଅଟଇ ଯୋଗ ଦିବସ

ସମସ୍ତେ ତାହାକୁ ପାଳନ କରିବା 

   ମନକୁ ରଖି ହରଷ.

ଯୋଗ ଯେ ଅଟଇ ମନୁଷ୍ୟଙ୍କ ପାଇଁ 

    ନିହାତି ଅପରିହାର୍ଯ୍ୟ

ଯୋଗ କଲେ ରୋଗ ଛାଡି ପଳାଇବ

    କହିଛନ୍ତି ଯୋଗାଚାର୍ଯ୍ୟ.

ସ୍ୱାମୀ ବିବେକାନନ୍ଦ ଯୋଗ ବଳରେ

   କଲେ ଅସାଧ୍ୟ ସାଧନ

ଅମର ହୋଇଛି ବିଶ୍ୱ ଇତିହାସେ

   ପ୍ରସିଦ୍ଧ ଯୋଗୀଙ୍କ ନାମ.

ରାମକୃଷ୍ଣ ପରମହଂସ, ନିଗମାନନ୍ଦ

    ଯେ ମହାପୁରୁଷ

ଯୋଗ ସାଧିକରି ଯୋଗ ଜନ୍ମା ହୋଇ

   ରଖି ଯାଇଛନ୍ତି ଯଶ .

ପ୍ରାଣାୟାମ ସଙ୍ଗେ ରେଚକ, କୁମ୍ଭକ

    କରିବ ଯଦି ଆୟତ୍ତ

ରୋଗ ଛାଡି ପଳାଇବ ଶରୀରରୁ

    ଜୀବନ ହୋଇବ ସୁସ୍ଥ.

ମୁନି, ଋଷି, ଦେଶ ମୋ ଭାରତ ବର୍ଷ

    ସାଧୁ ସନ୍ଥଙ୍କ ନିବାସ

ଯୋଗ, ଜପ, ଧ୍ୟାନ, ଯଜ୍ଞ ଆଚରିଲେ 

     ପ୍ରାଣ ଲଭିବ ସନ୍ତୋଷ.

ପରିବେଶ ସ୍ୱଚ୍ଛ, ସନ୍ତୁଳିତ ଖାଦ୍ୟ 

    ଖାଇବ ଆନନ୍ଦ ମନେ

ଯେତେଦିନ ଥିବ ଆନନ୍ଦେ ରହିବ 

    ଶାନ୍ତି ପାଇବ ଜୀବନେ.

ଭୋଗ ବିଳାସ ରେ ମଜ୍ଜି ରହି ଯେବେ

    ନ କରିବ ପରିଶ୍ରମ

ଅତ୍ୟନ୍ତ ଦୁର୍ଲ୍ଲଭ ମନୁଷ୍ୟ ଜନମ

    ହୋଇଯିବ ଅକାରଣ.

ଜନ୍ମ ହେଲେ ମୃତ୍ୟୁ ଲଭିବ ମନୁଷ୍ୟ

   ଏହା ଅଟେ ଧ୍ରୁବ ସତ୍ୟ

ନିସ୍ଵାର୍ଥ ଭାବରେ ପର ଉପକାର

    କଲେ ଜୀବନ ସାର୍ଥକ.