ବିଶ୍ଵ କନ୍ୟାଦିବସ

ଆଜି କନ୍ୟା ଦିବସରେ,

ସ୍ରଷ୍ଟାଙ୍କୁ ଜୁହାର କରେ,

ଦେଇ କନ୍ୟା ଘରେ ମୋର,

ସବୁ ଦେଇଛ ଠାକୁର।

ଝିଅଟିଏ ଅଛି ଯାର,

ଘର ତା ରତ୍ନ ଭଣ୍ଡାର,

ସ୍ନେହର ସାଗରଟିଏ,

ମମତା ନିର୍ଝର ସିଏ।

ଶେଷ ବେଳର ଭରସା,

ନିଦାଘ ଋତୁ ବରଷା।

ଜନନୀ, ଭଗିନୀ ଜାୟା,

ପରିବାରର ସେ ଛାୟା,

ରୋଷେଇ ଘରେ ସେ ବସି,

ଅମୃତ ଦିଏ ପରଷି।

ହୋଇ ବଡ଼ ଅଧିକାରୀ,

ଧରେ ସେ ଶାସନ ଡୋରି,

ପୁଣି ପୋଲିସ ବେଶରେ,

ଶୃଙ୍ଖଳା ରଖେ ଦେଶରେ।

ସୀମାନ୍ତରେ ଲଢୁଥାଏ,

ରୋଗୀ ସେବା କରୁଥାଏ।

ଶିକ୍ଷା ବିଜ୍ଞାନ କ୍ଷେତ୍ରରେ,

ଥାଏ ସଭିଙ୍କ ଉଚ୍ଚରେ।

କିଏ ବା ହେବ ତା'ପରି,

ଘର ଉଠୁଥାଏ ପୂରି।

ଝିଅଟିଏ ନାହିଁ ଯା'ର

ଘରେ ଦୀପ ନାହିଁ ତା'ର।