ବିରାଟ ପୁରୁଷ

ସପତ ବ୍ରହ୍ମାଣ୍ଡ      ଦେହେ ଏକ ପିଣ୍ଡ

       ବିରାଟ ପୁରୁଷ ନାମ

ଶୋହେ ଅଙ୍ଗେ ଅଙ୍ଗେ  ବ୍ରହ୍ମାଣ୍ଡ ବିଭଙ୍ଗେ

      ମସ୍ତକରୁ ଶ୍ରୀ ଚରଣ ।

ପୃଥିବୀ ଚରଣ       ଚନ୍ଦ୍ରମାଟି ମନ

     ଭ୍ରୁଲତାଟି କାଳ ଯମ

ମସ୍ତକ ଯେ ସ୍ବର୍ଗ      କର୍ଣ୍ଣ ଦଶ ଦିଗ

     ହାସ୍ୟ ରସ ଅଟେ ଭ୍ରମ ।

ନାଭି ନଭ ପ୍ରାୟ    ସୂର୍ଯ୍ୟ ଚକ୍ଷୁ ଦ୍ବୟ

       ନାସିକା ଅଟଇ ବାୟୁ

ଦନ୍ତ ଜୋତ୍ସ୍ନା ଯାର   ବାହୁ ଲୋକପାଳ

      ମୃତ୍ୟୁ ଅଟଇ ଯେ ପାୟୁ ।

ତଳ ଅଧରଟି     ଲୋଭ ବୋଲାଏଟି

      ଲଜ୍ୟା ଓଷ୍ଠଟି ଉପର

ଦେହେ ଲୋମ ମାନ  ଅଟେ ବୃକ୍ଷ ମାନ

    କେଶ ଅଟେ ମେଘ ମାଳ ।