Library
Profile
ବିନୟ ବଚନ
ବିନୟ ବଚନ
ମଣିଷ ଜନମ ଦୁର୍ଲଭ ଜନମ
ସ୍ରଷ୍ଟାଙ୍କ ଶ୍ରେଷ୍ଠ ଆଲେଖ୍ୟ
ପ୍ରଭୁଙ୍କର ଦାନ ଅତୁଳନୀୟ ଯେ
ଆମେ ଯେ ତାଙ୍କର ସଖ୍ୟ ।
ସର୍ବସ୍ବ ଦାନ ରେ ଜିହ୍ନା ଦାନ ଦେଇ
ଦାନ୍ତ ମଧ୍ୟରେ ସ୍ଥାପିତ
ବତିଶ ଦାନ୍ତଙ୍କ ପହରା ଚେତାଏ
ଜିହ୍ବା କୁ କର ସଂଯତ l
ବିନୟ ବଚନ ଅଟେ ମହାଧନ
ଭାଗବତ ବାଣୀ କୁହେ
ବିନୟ ବଚ଼ନୁ ଅମୃତ ଝରଇ
ସ୍ନେହ, ଶ୍ରଦ୍ଧା ଯେ ବିତରେ |
ବିନୟ ବଚ଼ନେ ଉତ୍ସାହର ବାସ
ବଇରୀ କରଇ ବଶ
ବିନୟ ବଚ଼ନ ସଂପର୍କ ବଢାଏ
ବଢ଼ଇ ବ୍ୟକ୍ତିତ୍ବ ଯଶ ।
ବିନୟ ବଚନେ ପ୍ରେମ ଫଲ୍ଗୁ ଧାରା
ଅମୃତ ଭାବନା ଦିଏ
ବିନମ୍ରତା ଭାବ ସଜଳ ଜଳଦେ
ଶୀତଳତା ଦେଉଥାଏ ।
ବିନୟ ବଚ଼ନ ପୁଲକିତ କରେ
ପ୍ରତିଟି ମଣିଷ ମନ
ବିରସେ ହରଷ କ୍ରୋଧ କରେ ବଶ
ବିତରେ ପ୍ରଶାନ୍ତି ଧନ ।
ବିନୟ ବଚ଼ନେ ଧୀଶକ୍ତି ସମୃଦ୍ଧି
ବ୍ୟକ୍ତିତ୍ବ କୁ ଦିଏ ଆଭା
ବିବେକ ବିଚ଼ାର ରୁଦ୍ଧିମନ୍ତ ହୋଇ
ବଢାଏ ଆତ୍ମିକ ଶୋଭା ।
ବିନୟ ବଚ଼ନେ ସଦ୍ ବୁଦ୍ଧି ଜାଗଇ
ବିକୃତ ଭାବନା ନାଶେ
କୁପଥ ଗାମୀ ଯେ ବିନୟ ବଚନେ<
/p>
ସୁପଥକୁ ଫେରିଆସେ ।
ବିପଦ ସମୟେ ବିନୟ ବଚ଼ନ
ଦିଅଇ ଧୈର୍ଯ୍ୟ ପରଶି
ସନ୍ତୋଷ ବିସ୍ତାରେ ଚ଼ିର ଅନୁରାଗେ
ସ୍ୱର୍ଗୀୟ ଭାବ ବରଷି ।
ବିନୟ ବଚ଼ନ ବିମୁଗ୍ଧ କରଇ
ବିଶୁଦ୍ଧ ଚେତନା ଦିଏ
ପ୍ରୀତି ମାଧୁର୍ଯ୍ୟ ରେ ସ୍ନେହ ସୋହାର୍ଦ୍ଦ ରେ
ସଭିଙ୍କର ପ୍ରିୟ ହୁଏ ।
ବିନୟରୁ ଜାତ ଶାନ୍ତି, ମୈତ୍ରୀ, ପ୍ରୀତି
ବିତରେ କରୁଣା ଧାରା
ବିନୟ ବଚ଼ନ ବିଜ୍ଞ ମନୋଧନ
ଅମୂଲ୍ୟ ରତ୍ନ ପସରା |
ବିନୟ ବଚ଼ନ କିଣେ ଜନ ମନ
ଶାନ୍ତି ବିପ୍ଲବର ଭାବ
ପରିବାର ଠାରୁ ସମାଜ ଓ ରାଷ୍ଟ୍ରେ
ସ୍ତୁତି କରେ ଶାନ୍ତି ସ୍ତବ ।
କଟୁ ବଚ଼ନ ରେ କାଟିବାନି ହୃଦ
ଅଶାନ୍ତିକୁ ଡାକି ବାନି
ବିନୟ ବଚ଼ନେ ସର୍ବ ମନ ତୋଷି
ପ୍ରେମେ ହୋଇଯିବା ଧନୀ ।
ଜିହ୍ବା ଚ଼ାଳନାରେ ସଂଯତ ହୋଇବା
ବିବେକ ବିଚ଼ାର ଦେଇ
ବିନୟ ବଚ଼ନ ପରଶି ଯିବା ଯେ
ହେବା ଆମେ ମନ ଜୟୀ ।
ବଚ଼ନ ମଧୁର ଆଚ଼ାର ସୁଧୀର
ଗହଣା ରେ ମଣ୍ଡି ହେବା
ପରିବର୍ତ୍ତନର ଧାରା ରେ ଧାରା ରେ
ନୂତନ ଚେତନା ଦେବା |
