ବିଜନତା
ବିଜନତା
1 min
219
ସମୁଦ୍ର ତୀରରେ ନିର୍ଜନତା କୂଳେ
ବସି ଚିନ୍ତଇ ଭାବୁକ
ସାଗର ଲହଡ଼ି ଆସିଥାଇ ମାଡି
ଜନ ଶୂନ୍ୟରେ ନିର୍ଭୀକ
ନିରବ ନିର୍ଜନ ହୋଇ ବସିଥାଇ
ଭାବନାରେ ଥାଏ ଡୁବି
କିଏ ସେ ରୂପଶ୍ରୀ ସମ୍ମୁଖରେ ଆସି
ଦେଖାଏ ତା ପ୍ରତିଛବି
କ୍ଷଣେ ଆସିଥାଇ କ୍ଷଣେ ସେ ଉଭାଇ
ନିର୍ଜନତା ଜନଶୂନ୍ୟ
କିଛି କ୍ଷଣ ପରେ ମନରେ ଆଶଙ୍କା
ବିଜନତା ପରି ପୂର୍ଣ୍ଣ
ସାଗର ଦ୍ଵୀପରେ ବସି ସେ ଭାବଇ
ନିଜକୁ ସେ ଅସହାୟ
ଚତୁଃପାଶ୍ୱେ ଶୂନ୍ୟ ବିଜନତା ପୂର୍ଣ୍ଣ
ରୁହଇ ସେ ନିରୂପାୟ
ନିର୍ଜନତା ସ୍ଥାନ ଥାଏ ଦୁଃଖ ପୂର୍ଣ୍ଣ
ହୁଅଇ ସେ କଣ୍ଟକିତ
କେଉଁ ମୁହୂର୍ତ୍ତରେ ସୁଚିନ୍ତା କରଇ
ମନ ହୁଏ ପୁଲକିତ
ନିର୍ଜନ ବନରେ ନର ଶିଶୁ ଥିଲେ
ଚଳଣି ତା ପଶୁ ପରି
ଏକାକୀ ଜୀବନ ଅତିବାହିତରେ
ପୂର୍ଣ୍ଣ ତା ନୁହେଁ ତାହାରି