ବିଜନ ମୁହୂର୍ତ୍ତ

ଏକା ଏକା ଚାଲୁଚାଲୁ

କାହିଁକି କେଜାଣି

ନିଃସଙ୍ଗତା ମାଡିପଡେ

ଏହି ବିଜନ ମୁହୂର୍ତ୍ତେ।

ଖୋଜିବାକୁ ଇଚ୍ଛା ହୁଏ

ସାଥି, ସହୋଦର

ହେଲେ...........

ମୁଁ ତ ଏକ ପଥଭ୍ରଷ୍ଟ ପଥିକ।

ନିଃସଙ୍ଗତାରେ ମଥା ପିଟେ

ସାଗରର ଢେଉ

ସେହି ଵିସ୍ତୀର୍ଣ୍ଣ ବେଳାଭୂମିରେ।

ବିଜନତାକୁ ଆପଣେଇ

ମୁଁ ମୂମୁର୍ଷୁ,ମୁଁ କ୍ଷତାକ୍ତ

ଚଞ୍ଚୁରେ ଆହାର ଧରି

ଖୋଜିବୁଲେ ରକ୍ତର କଣ୍ଢେଇ

ହେଲେ ନା..........

ସମସ୍ତେ ଆଜି ହଜିଯାଇଛନ୍ତି

ମୋ ଆଖି ଆଢୁଆଳୁ

କେବଳ ରହିଯାଇଛି

ମୋ ଚାରିପାଖେ

ସେହି ବିଜନ ମୁହୂର୍ତ୍ତ।