ବିଦ୍ୟାବନ୍ତଙ୍କ ବିଦ୍ୟାଭ୍ୟାସ
ବିଦ୍ୟାବନ୍ତଙ୍କ ବିଦ୍ୟାଭ୍ୟାସ
ବିଦ୍ୟାଭ୍ୟାସରୁ ମିଳେ ଯୋଗ୍ୟତା କର୍ମକୁଶଳତା,
ଅନବରତ ବୋଧନରୁ ମିଳେ ସାକ୍ଷରତା ସ୍ଥିରତା,
ସୈଦ୍ଧାନ୍ତିକ ନିପୁଣତାରୁ ମିଳେ ବିଦ୍ବତ୍ତା ପ୍ରାଜ୍ଞତା,
ଶ୍ରଦ୍ଧାଯୁକ୍ତ ଅଭିଜ୍ଞତାରୁ ମିଳେ ସୁଦୃଢ଼ ଦକ୍ଷତା କ୍ଷମତା |୧|
ନୈତିକତାରୁ ମିଳେ ଶାଳୀନତା ମୌଳିକତା,
ଗୁଣବତ୍ତାରୁ ସତତ ମିଳେ ଶ୍ରେଷ୍ଠତା ମାନ୍ୟତା,
ସମତାରୁ ନିଶ୍ଚିତ ମିଳେ ମମତା ଜନପ୍ରିୟତା,
ବିଦ୍ୟାବାନ୍ ଦିଅନ୍ତି ସଭ୍ୟତାକୁ ବିଦ୍ୟମାନତା |୨|
ବିଦ୍ୟାବନ୍ତଙ୍କ ସମୀପେ ରୁହେ ଶିଷ୍ଟତା,
ବିଦ୍ୟାଧରଙ୍କ ନିକଟେ ରୁହେ ବିନମ୍ରତା,
ଶିକ୍ଷିତ ବିଦ୍ୱାନଙ୍କ ପାଖେ ରୁହେ ଧୀରତା,
ବହୁଦର୍ଶୀଙ୍କ ନିକଟେ ରୁହେ ପରିଣାମଦର୍ଶିତା |୩|