Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Lopamudra Parida

Inspirational Others

2  

Lopamudra Parida

Inspirational Others

ଭୁତମୁଖା

ଭୁତମୁଖା

1 min
86


ତୋ କଥା ଭାବୁ ଭବୁ

ତୁ କାଗଜ ଟୁକୁଡା ପରି ଉଡି ନିରୁଧ୍ଧିଷ୍ଟ ,

ଯେତେ ଭାବେ ଭୁଲିଯିବି, ଭୁଲିଯିବି ତତେ

ତୁ ଛାଟିହେଇ ଆବୋରି ବସୁ ମୋ ମନସତ୍ତା ଆଉ ମତେ।

ଯେତେ ଝାଡିହୁଏ ଛଡେଇ ହେବାକୁ

ସେତେ ସେତେ ତୁ ମନେପଡୁ ,

ଜଡେଇଧରୁ କାନ୍ଥ କୋଣ କୋଣ

ଅଳନ୍ଧୁ ଠୁ ଓଳି ତଳ ଝାଲର ଯାଏ ।

କଣ ଖାଉଥିବୁ, କେମିତି ଥିବୁ, ମତେ ଝୁରୁଥିବୁ କି ନାହିଁ

କାହିଁକି ଏତେ ଭାବି ହୁଏ ମୁଁ ତତେ ନେଇ କେଜାଣି ?

ତୁ ତ ପବନରେ ମିଳେଇ ଯାଉ

ହେଇ ଅଛି ହେଇ ନାହିଁ କହି ।

ଆଖି କୋଣ ଠୁ ପୁଅଡୋଳା ଯାଏ

ଧୁ ଧୁ ଖରା ପରି ପୋଡେ

ତଣ୍ଟି ତଳ ଶୁଖି ଶୁଖି ଛାତିଟା କାଟୁଥାଏ

ଭାରି ଅବାଗିଆ ,

ତୁ ଟା କିନ୍ତୁ ନିଶ୍ଚିତ ଆଉ ନିର୍ଦ୍ବନ୍ଦେ ଥାଉ ।

ମୁଁ ଘାରି ହଉଥାଏ ତୁ ମୋର ପ୍ରିୟ ଥିଲୁ

ଭାବି ଭାବି,

ତୁ କଣ ତୋ ପଟୁ ବି ଏମିତି କେବେ ଭାବିଥିଲୁ?

ବିଶ୍ବାସ, ଅବିଶ୍ବାସ ମଝିରେ

ତ୍ରିଶଙ୍କୁ ମୁଁ ଆଉ ମୋ ଛାଇ ର ଅସ୍ତିତ୍ଵ ।

ଆଜି ଭାବିଛି

ଖରା ଏଇ ସାମ୍ନା ଜାଲଣା ଦେଇ ଆସି

ମତେ ଛୁଇଁ ଥିବ କି ନାହିଁ

ମୁଁ ତତେ ଭୁଲିଯିବି ।

ହେଃ ,ଏମିତି କେତେ ଚେଷ୍ଟା ସରିଛି,

ତୁ କୋଉ ମତେ ଦମ୍ଭ ରେ ରହିବାକୁ ଦଉ କି !

ତୁ ଶୂନ୍ୟ ରେ ପିନ୍ଧେଇଛୁ କି ମୁଁ ମୋ ଇଛ୍ଛା ରେ

ଛଡେଇ ଆଣି ତୋ ଠୁ

ମାଖିହେଇ କାନ୍ଦୁଛି ,

ଯାହାକୁ ଭିଡି ଚିରିଦେଲେ ହି ବଞ୍ଚି ପାରେ

ନୋହିଲେ ପାଲଟିପାରେ

ଗୋଟେ " ଭୁତମୁଖା " ।


Rate this content
Log in