ଭୁଲ୍ ଠିକଣା
ଭୁଲ୍ ଠିକଣା
1 min
162
ଭୁଲ୍ ଠିକଣାରେ ପାଦ ମୁଁ ଥାପିଲି
ମନ ହଜାଇଲି ପ୍ରେମ ରାଇଜେ
କ୍ଷଣିକ ସୁଖରେ ଆତ୍ମହରା ହୋଇ
ଭୁଲିଗଲି ମୁହିଁ ନିଜକୁ ନିଜେ ।
ହୃଦୟେ ସାଥିକୁ ରଖିଲି ସାଇତି
ସ୍ୱପ୍ନ ସଜାଇଲି ଦୁଇ ଆଖିରେ
ବାଲିଘର ଗଢି ସାଥି ଭୁଲିଗଲା
ଜଳୁଛି ଆଜି ମୁଁ ପ୍ରତାରଣାରେ ।
ହୃଦୟ ଖୋଜୁଛି ମନ ବିଳାପୁଛି
ସ୍ମୃତି ଅଗଣାରେ ଅଧିର ହୋଇ
ସାଥି ତା'ଠିକଣା ବଦଳାଇଦେଲା
ଭୁଲ ଠିକଣାର ଭରସା ଦେଇ ।
ସୁଖର ସଉଦା କରିବି ଭାବିଲି
ପ୍ରେମର ହାଟରୁ ସାଥିକୁ ପାଇ
ବିଶ୍ୱାସର ମୂଲ୍ୟ ହରାଇ ବସିଲି
ଭୁଲ ଠିକଣାର ବାଟୋଇ ହୋଇ ।