ଭଗ୍ନ କୋଣାର୍କ
ଭଗ୍ନ କୋଣାର୍କ
ଅଭିସାରିକା ଗୋ' ନୃତ୍ୟ ଚାରୁବାଳା
ଚାରୁ ସୁକ୍ଷ୍ମ କଳାକୃତି ,
ଅନିନ୍ଦ୍ୟା ରୂପସୀ ଶିଳ୍ପୀ ଙ୍କ ମାନସୀ
ବିଶ୍ବ ଗାଏ ଜୟ ଗୀତି ।
ପ୍ରୀତିର ପାଖୁଡ଼ା ଭରିଥିଲା ତାର
କୋଣ କୋଣ ପ୍ରତିକୋଣ ,
କାଳ କଲା ଗ୍ରାସ ହୋଇ ଗଲା ଧ୍ବଂସ
ହୋଇ ଅଛି ଜରାଜୀର୍ଣ୍ଣ ।
ବାରଶ ବଢେଇ ଙ୍କ ବାର ବର୍ଷର
ଧରମାର ତ୍ଯାଗ ଯଶ ,
ଯୌବନ ହରାଇ ଶିଳା ମୂର୍ତ୍ତି ପରେ
ଆଙ୍କିଥିଲେ ପ୍ରୀତି ରାସ ।
ପ୍ରେମର ପ୍ରତୀକ କୋଣାର୍କ ମନ୍ଦିର
ହୋଇ ଅଛି ଆଜି ଧ୍ଵଂସ ,
ସାକ୍ଷୀ ଅଛି ଭଗ୍ନ ମୁଖଶାଳା ଖାଲି
କୋଳେ ଧରି ଅବଶେଷ ।