Library
Profile
ଭଗବାନ ଯଦି ପ୍ରସାଦ ସେବନ କରନ୍ତେ
ଭଗବାନ ଯଦି ପ୍ରସାଦ ସେବନ କରନ୍ତେ
ସତରେ ଯଦି ଭଗବାନ
ପ୍ରସାଦ ସେବନ କରନ୍ତେ
ମଣିଷ କଣ ସବୁଦିନେ
ଭୋଗ ଥାଳି ରଖନ୍ତା
ଖଇ ଉଖୁଡା ଭୋଗ ଦେଇ
କାମ ଚଳେଇ ଦେବା ମଣିଷ
ଷାଠିଏ ପଉଠି ଭୋଗ
ଭଗବାନଙ୍କୁ କଣ ପରଶି ଦିଅନ୍ତା
କାମବାଲିକୁ ବାସୀ ରୁଟି ବିସ୍କୁଟ ଚା ଦେଇ
ନିଜକୁ ଦାନୀ ଭାବିବା
ଏହି ଲୋଭୀ ସମାଜର ମଣିଷ
ଭୋଗର ଥାଳି
ଭଗବାନଙ୍କୁ କଣ ଦେଇ ପାରନ୍ତା
ସତରେ ଯଦି ଭଗବାନ
ପ୍ରସାଦ ସେବନ କରନ୍ତେ
ଘରର ଗୁରୁ ଗୁରୁଜନଙ୍କୁ ପରଷିବା ବେଳେ
କେତେ ଅର୍ଜନ କରିବି ବୋଲି
ଚିଲାଈବା ଘୃଣ୍ୟ ସମାଜ
ଭଗବାନଙ୍କୁ ସନ୍ତୁଷ୍ଟ କରିପାରନ୍ତା
ସ୍ୱାମୀ ସ୍ତ୍ରୀ ନିଜ ପିଲାଙ୍କ ଛଡା
ଅନ୍ୟ କାହା ପାଇଁ କିଛି କରିବାକୁ
କୁଣ୍ଠାବୋଧ
କରୁଥିବା ଶ୍ରେଷ୍ଠ ଜୀବ
ପୂଜା ଫଳ ଭୋଗରୁ ଟିକେ ସମର୍ପଣ କରି
ଚିନି ଗୁଡ଼ ଦେଇ କାମ ଚଳାଇ
ଆତ୍ମ ସନ୍ତୁଷ୍ଟି କରୁଥିବା ମଣିଷ
ଭଗବାନଙ୍କୁ କ୍ଷୀର ଲହୁଣୀ ଦେଇପାରନ୍ତା
ସତରେ ଯଦି ଭଗବାନ
ପ୍ରସାଦ ସେବନ କରନ୍ତେ
ଦିନେ ଦୁଇଦିନ ନହେଲେ ସାତଦିନ ଦେଇ
ନିଜର ସ୍ଲୋଗାନ ଆରମ୍ଭ କରନ୍ତା
ପୃଥଳକାୟ ହେଲଣି
ବସିବସି କେତେ ଖାଉଛ
କିଛି କାମଧନ୍ଦା ନାହିଁ
କାମ କଲେ ଜାଣିପାରନ୍ତ କଷ୍ଟ କେତେ
ମୁଁ ଖଟୁଥିବି ତୁମେ ବସିଥିବ
ଖାଇବା ଛଡା କଣ କରୁଛ ଯେ
ସବୁବେଳେ ତମକୁ ଦେଇପାରିବିନି
ଶେଷରେ ମଣିଷ ଉପାୟ ଶୂନ୍ୟ ହୋଇ
ଅଲଗା ରୁମ କୁ ନେଇ ଲୁଚେଇ ଖାଇ ଦିଅନ୍ତା
ସତରେ ଯଦି ଭଗବାନ ପ୍ରସାଦ
ସେବନ କରନ୍ତେ
