ଭାଷାପ୍ରୀତି
ଭାଷାପ୍ରୀତି
ତନ୍ଦ୍ରା ତେଜି ଜାଗି ଉଠ ହେ ଉତ୍କଳବାସୀ
ଭାଷା ପ୍ରୀତି ବହ୍ନି ହୃଦେ ଜାଳ ହସି ହସି ।
ଭାଙ୍ଗିଦିଅ ଶୃଙ୍ଖଳକୁ ଗଢ଼ା ଯାହା ଦ୍ୱେଷେ
ପରିଚୟ ସୃଷ୍ଟି କର ତୁମ୍ଭେ ସାରା ବିଶ୍ୱେ ।
ପୂର୍ବ ପୁରୁଷଙ୍କ ଗାଥା ମନେ ମନେ ସ୍ମରି
ରଚିଯାଅ କଳାକୃତୀ ଲେଖନକୁ ଧରି ।
ଗର୍ବେ କୁହ ଓଡିଆ ମୁଁ ଭାଷା ମୋ'ସୁନ୍ଦର
ତୁଣ୍ଡେ ଉଚ୍ଚାରଣ କଲେ ଲାଗଇ ମଧୁର ।
ଶବ୍ଦେ ଶବ୍ଦେ ଗଢିତୋଳ ସାହିତ୍ୟର ସୌଧ
ଭାବନାର ରଙ୍ଗ ଦିଅ ହୋଇ ସଦା ମୁଗ୍ଧ ।
ହୃତ ପ୍ରାୟ ଗଉରବ ଗାରିମାର ଗୀତି
ଉଚ୍ଚ ସ୍ଵରେ ଗାଇଯାଅ ଆହେ ବୀର ଜାତି ।
ଆଦରରେ ସଂସ୍କୃତିକୁ ଆପଣାର କରି
ପାଶ୍ଚାତ୍ୟର ମୋହ ମନୁ ଦିଅ ଦୂର କରି ।
ଶାନ୍ତି ମୈତ୍ରୀ ପୀରତିର ଦୁର୍ମୂଲ୍ୟ ସମ୍ପତ୍ତି
ଆହରଣ କର ସର୍ବେ ଭରି ହୃଦେ ତୃପ୍ତି ।
ଭାଷା ପାଇଁ ହୃଦୟରେ ଆତ୍ମୀୟତା ରଖ
ସଫଳତା ଛୁଇଁବାକୁ ହେବ ନିଶ୍ଚେ ସକ୍ଷ ।
ନିଜ ଜାତି ସନମାନ ଭାଷାରେ ନିହିତ
ତାହାର ଉନ୍ନତି ପାଇଁ ନିଅ ହେ ଶପଥ ।