Library
ଭାଇ ପାଇଁ ରାକ୍ଷୀ
ଭାଇ ପାଇଁ ରାକ୍ଷୀ
ରାକ୍ଷୀ ସାକ୍ଷୀ ରହିଲା, ମୋ ସୁନା ଭାଇ
ଭଉଣୀ କୁ ଜୀବନେ ଭୁଲିବୁ ନାହିଁ
ମୋ ସୁନା ଭାଇ ।
ସୁନେଲି ରେଶମ ଡୋର ନୁହେଁ ୟେ ରାକ୍ଷୀ
ମମତା ବନ୍ଧନ ବନ୍ଧେ ରଖଇ ବାନ୍ଧି
ଭାଇ ଭଉଣୀ ବନ୍ଧନ ଅତୁଟ ସାକ୍ଷୀ
ତାର ତୁଳନା ନାହିଁ, ମୋ ସୁନା ଭାଇ ।
ରକ୍ଷା କବଚ ୟେ ତୋର ବାନ୍ଧିଲି ହାତେ
ଅଜାତ ଶତ୍ରୁ ହୋଇବୁ ଏହି ମରତେ
(ତୋ) ଅକ୍ଷୟ କିରତି ବାନା ଉଡୁ ଜଗତେ
ହେବୁ ତୁତ ବିଜୟି, ମୋ ସୁନା ଭାଇ ।
ଅପଦେ ବିପଦେ ମୋରେ ଦେବୁରେ ରାହା
ଖରା ବରଷା ରେ ଛତା ଯେମିତି ସାହା
ଭାଇ ଭଉଣୀ ନିଗୁଢ ପବିତ୍ର ମାୟା
ମନ ନେଉଛି ମୋହି, ମୋ ସୁନା ଭାଇ ।
ସ୍ନେହ ମମତାର ସେତୁ ରଙ୍ଗିଣୀ ରାକ୍ଷୀ
ହାତୀ ଢାଳୁ ଭାଇ ମୁଣ୍ଡେ ସୁନା କଳସୀ
ନିଆରା ସଂପର୍କ ର ୟେ ନିଛକ ଛବି
ୟେ ବିଶ୍ଵାସ ର ନଈ, ମୋ ସୁନା ଭାଇ ।
ଶାଶ୍ଵତ ପ୍ରେମର ଏ ପବିତ୍ର ବନ୍ଧନ
ଚିରନ୍ତନ ମିଠା ସ୍ମୃତି ପ୍ରିତି ଚନ୍ଦନ
ଅତୁଟ ବିଶ୍ଵାସ ସାକ୍ଷୀ ଜନ୍ମ ମରଣ
ଆଜି ରାକ୍ଷୀ ପୂନେଇଁ, ମୋ ସୁନା ଭାଇ ।
ମହୁଠାରୁ ମିଠା ୟେ ସେନେହ ମମତା
ଦାୟିତ୍ଵ,କର୍ତ୍ତବ୍ୟ ର ୟେ ବନ୍ଧନ ଫିତା
ଭଉଣୀ ପାଇଁ ଭାଇର ପ୍ରତିବଧତା
ସ୍ନେହ ମମତା ଏଇ, ମୋ ସୁନା ଭାଇ ।
ଆଜି ବଳଭଦ୍ର ଜନ୍ମ ପବିତ୍ର ଲଗ୍ନ
ଘରେ ଘରେ ନନ୍ଦିନୀର ପୁଜା ବନ୍ଦନ
ତୋ ହାତେ ରକ୍ଷୀ ବାନ୍ଧିଲି ରଖିବୁ ମାନ
କଥା ଯିବରେ ରହି, ମୋ ସୁନା ଭାଇ ।
ତୋ ହାତରେ କିସୁନ୍ଦର ସୁନେଲି ରାକ୍ଷୀ
ମୋ ଭାଇ ମୋ ପାଇଁ ଇନ୍ଦ୍ର ସମ ଦିଶୁଛି
ତା ମଥାରେ ପ୍ରଭୁ ଫୁଲ ଦିଅ ବରଷି
ହସ ପସରା ଫେଇ, ମୋ ସୁନା ଭାଇ ।
