ଭାବରେ ଭାବରେ
ଭାବରେ ଭାବରେ
ପ୍ରତୀକ୍ଷାର ସୀମାରେଖା ପାଦ ଟପି ଯାଏ
ତୁଳି ମଧ୍ୟେ ଲହୁ ଝରେ ଓଠ ଚାପି ରହେ ,
ସ୍ବପ୍ନ ସବୁ ସ୍ତବ୍ଦ ହୁଏ ଭାବରେ ଭାବରେ
ଲୁହ ରଙ୍ଗ ଲହୁ ହୋଇ ଝରେ କଲମରେ ।୧।
ହୋମାଗ୍ନିର ଜ୍ଵଳନରେ ସ୍ୱାହା ପ୍ରତିଶ୍ରୁତି
ପାଷାଣି ଅହଲ୍ୟା ଆଜି ପାଷାଣ ତା ' ଛାତି ,
ସୁଦୂର ପ୍ରସାରି ପଥ ଅନେଇ ରହିଛି
ବୈଶାଖ ର ଝାଞ୍ଜିବାଆ ଉଡ଼େଇ ନେଇଛି ।୨।
ସତେକି ସାତ ସପନ ଅଭୁଲା ସେ ସ୍ମୃତି
ଶତାବ୍ଦୀ ଠୁ ବଡ଼ ଲାଗେ ଏହି ଦିନ ରାତି ,
ସମ୍ପର୍କର ମୂଲ୍ୟ ମୋହ ରୁଗ୍ଣ ପ୍ରାୟ ଆଜି
ବାସ୍ତବତା ନାଚେ କାଠ କଣ୍ଢେଇଟି ସାଜି ।୩।