ଭାବନା ରାଇଜ
ଭାବନା ରାଇଜ
ଭାବନା ରାଇଜେ ନିତି ଭାବୁଥାଏ
ବସିକରି ମୁହିଁ ଏକା |
ମନରେ ଆସୁଛି ଅସୁମାରୀ ଆଶା
ଇଏ କେମିତିକା କଥା ||
ଭାବୁଥାଏ ମାନେ ହୋଇ ଯାଆନ୍ତିକି
ଦେଶର ଯବାନ ଟିଏ |
ଭାରତ ମାତାକୁ ସୁରକ୍ଷା ଦିଅନ୍ତି
ଜୟ ଗାନ କରୁଥାଏ ||
ଇଚ୍ଛା ହୁଏ ଦିନେ ହୁଅନ୍ତି କି ମୁଁହି
କବି ଓ ଲେଖକ ଟିଏ |
ଲେଖିଥିବି ନିତି ଗଳ୍ପ ଯେ କବିତା
ପିଲାଙ୍କ ପାଇଁଙ୍କ ଥାଏ ||
ଶିକ୍ଷକ ଗୋଟିଏ ହୁଅନ୍ତି କି ମୁଁହି
ଭାବୁଥାଏ ବସି ନିତି |
କରି ଶିକ୍ଷାଦାନ ଦେଇ ମୁଁ ଜୀବନ
ଭଲ ଛାତ୍ର ଗଢୁଥାନ୍ତି ||
ହୁଅନ୍ତିକି ମୁହିଁ ପୋଲିସ ଗୋଟିଏ
ମନେ ମନେ ଭାବୁଅଛି |
ସମାଜ ପାଇଁକି ଦେଇ ବଳିଦାନ
ସୁରକ୍ଷା ତ ଦେଇଥାନ୍ତି ||
ହୁଅନ୍ତି କି ମୁହିଁ ପ୍ରବଚକ ଟିଏ
ପ୍ରବଚନ ଦେଉଥାନ୍ତି |
ଗୀତା ଭାଗବତ ରାମାୟଣ କଥା
ନିତି ଗାନ କରୁଥାନ୍ତି ||
ଭାବୁଥାଏ ବେଳେ ହୁଅନ୍ତିକି ମୁହିଁ
ଭଲ ରାଜନେତା ଟିଏ |
ଲୋକଙ୍କ ପାଇଁକି ସେବା କରି ପୁଣି
ଏ ଜୀବନ କାଟୁଥାଏ ||
ଡାକୁ ଥାଏ ପ୍ରଭୁ ଦେଇ ଦିଅ ମତେ
ଡାକ୍ତରୀ ଜୀବନ ଟିଏ |
ଦୁଃଖିଙ୍କର ଦୁଃଖ ସହି ପାରୁନାହିଁ
ତାଙ୍କ ସେବା କରୁଥାଏ ||
ଏମିତି ଅନେକ ଭାବନା ରାଇଜ
ଆସୁଥାଏ ମୋର ମନେ |
ସବୁ ଭାବନା ଯେ ସତ ହୁଏ ନାହିଁ
ଜାଣେ ମୁହିଁ ପ୍ରତିକ୍ଷଣେ ||