ବେଳାଭୂଇଁର ସ୍ୱପ୍ନ

ତୁମେ ଏମିତିକା ମନଟିଏ ସଖୀ

ଖୋଜୁଥାଅ ବେଳାଭୂଇଁ

ମୋ ଦେହେ ଉତ୍ତାଳ ସାଗର ଲହଡି

ଯାଏ ଲୋ ତୁମକୁ ଛୁଇଁ I

ତୁମେ ବେଳାଭୂମୀ ବାଲୁକା ଶେଯର

ଅନ୍ତହୀନ ଏକ ଶୋଷ

ମୁଁ ନୀଳଜଳଧି ସୀମାହୀନ ବ୍ୟାପ୍ତି

ତୁମେ ମୋର ଅବଶେଷ I

ତୁମପାଇଁ ସଖୀ ସାଗର ସୈକତେ

ଜାଗର ଜାଳେ ମୁଁ ନିତି

ତୁମ ପ୍ରତିକ୍ଷାରେ ବସି ରହିଥାଏ

ଦିନ ସରି ହୁଏ ରାତି I

ଝାଞ୍ଜିରେ ସିଝେ ମୁଁ ଅନ୍ଧାରରେ ଭିଜେ

ଆଖିରେ ଆଉଟେ ସ୍ୱପ୍ନ 

ଅଜାଣତେ ମୋର ଆଖିତଳେ ତୁମେ

ଉଇଁଯାଅ ହୋଇ ଜହ୍ନ I।