ବଡପଣ
ବଡପଣ
ଦୁନିଆ ଦାଣ୍ଡରେ
ଆଜି ମୁଁ ନିସାହା
ସାହା ମୋର କେହି ନାହିଁ
ମୋର ମୋର ବୋଲି
ଯାହାକୁ ଖୋଜିଲି
ସିଏ ବି ହଜିଲା କାହିଁ।
ଦୂର ତାଳ ବଣ
ଦୂରରୁ ସୁନ୍ଦର
ପାଖରୁ କଣ୍ଟକ ପୂର୍ଣ୍ଣ
ଦୁଃଖ ବେଳେ ସବୁ
ଭଙ୍ଗିଳ ପର୍ବତ
ନିମିଷେ ହୋଇବେ ଚୂର୍ଣ୍ଣ ।
ବୃନ୍ତରୁ କୁସୁମ
ହୋଇବ ଅଲଗା
ପଥ ପ୍ରାନ୍ତେ ଯିବହଜି
ଜିତିବା ଆଶାରେ
ହାରିଯିବ ସିନା
ଜୀବନ ର ଶେଷ ବାଜି ।
ଇତିହାସ ଆଉ
ସାହିତ୍ୟ ପୃଷ୍ଠାରେ
ରହିବନି ବଳିଦାନ
ଶୂନ୍ୟ ରୁ ଆସି ସେ
ଶୂନ୍ୟରେ ମିଶିବ
ଏହିତା'ର ବଡପଣ।