ବଡ଼ ଘର, ବଡ଼ ଗୁମର କଥା

ବଡ଼ ଘର, ବଡ଼ ଗୁମର କଥା,

ଗୁମର ଜାଣିଲେ ଘୁରଇ ମଥା।

ସଭ୍ୟ ମଣିଷର ଭଦ୍ରମୁଖାକୁ 

ଦୁଃଖ ଆସେ ଦେଖି ମନକୁ ।

ପୂଜୁଛନ୍ତି ପଥର ମାଟି ମୂର୍ତ୍ତିକୁ

ହତାଦର କରନ୍ତି ଜୀବନ୍ତ ମାଆକୁ ।

ମାତୃଭାଷା ଓଡିଆ ପ୍ରତି ଶରଧା ନାହିଁ

ଇଂରାଜୀ ଭାଷାକୁ ଜାଣି ଗର୍ବ କରୁଥାଇ ।

ମାଆ ତାର ଏକ ନାରୀ, ସ୍ନେହ ମମତାର 

ନାରୀଜାତିକୁ ଭାବେ ସେ କଣ୍ଡେଇ କାଚର ।

ନାରୀ ସ୍ୟାଧୀନତା ଭାଷଣେ ଖାଲି କହୁଛି

କିନ୍ତୁ ସିଏ ସମାଜରେ ଦୁଷ୍କର୍ମ ବଢେଇ ଚାଲିଛି।

ବହୁ ଦଣ୍ଡବିଧି ଆଇନ ତ ଗଢା ଚାଲିଛି

କମୁନି, କିନ୍ତୁ କନ୍ୟା ଭ୍ରୁଣ ହତ୍ୟା ବଢୁଛି ।

ଶ୍ରୀରାମ ଶବର ଉଚିଷ୍ଠ ଖାନା କଥା ଗାଉଛି

କିନ୍ତୁ ଧରମ ଜାତି ଭେଦଭାବ ପ୍ରଚାର କରୁଛି ।

ଦଶହରା, ଗଣେଶ, କାଳୀ, ସରସ୍ୱତୀ ପୂଜା ବଢିଛି

ସଂସାରର ଦୁଃଖ ଦୂର୍ଦ୍ଦଶା, କଅଣ ସତରେ କମିଛି ।

ବହୁଳ ଭକ୍ତି ଭାବନା ପ୍ରଚାର ଡ଼ିଣ୍ଡିମ ବାଜୁଛି,

କିନ୍ତୁ ମିଥ୍ୟା, ମଦ ମାଂସ ଡିଜେ ଡ୍ୟାନ୍ସ ଚାଲିଛି ।

ପ୍ରଥମ ଶବଦ ଆସିଲା ମୁହଁରୁ, ମାତୃଭାଷାରୁ

କିପରି ଭୁଲୁଛ ତା' ସ୍ନେହଁ ଆଦର ହୃଦୟ କନ୍ଦରୁ ।