ବାତ୍ୟା
ବାତ୍ୟା
ଖବର ପ୍ରସାର ହୋଇଲା ବେତାରେ
ଘନ ଘନ ଆସେ ବାର୍ତ୍ତା
ସଜାଗ ହୁଅ ହେ ସକଳ ଜନତା
ପାଖେଇ ଆସିଲା ବାତ୍ୟା ।୧
ଭୟଭୀତ ହୋଇ ଚାହିଁଲା ବେଳକୁ
ସାଗରୁ ଛୁଇଁଲା ମାଟି
ଉଡ଼ିଲା ଗଗନେ ଛପର ପତର
କେତେଘର ଗଲା ଫାଟି ।୨
ପ୍ରଳୟ ପବନେ ବରଷାର ଧାରେ
ଭିଜିଲା ଗରିବ ମନ
ସରିଗଲା ଝଡ଼ ଦିଶିଲା ଆକାଶ
ଅଭିଶପ୍ତ ହେଲା ଦିନ ।୩
ରିଲିଫ ଆସିଲା ହେଲେ ମିଳିଲାନି
ଆସୁ ଆସୁ ସରିଗଲା
ରକ୍ଷାକାରୀ ଯେବେ ସାଜିଲା ରାକ୍ଷସ
କାହାକୁ କହିବ ଭଲା ।୪
ମହାମାରୀ ଯୋଗୁଁ ଭୋକ ଓପାସରେ
ଶୋଉଥିଲୁ ଯଉ ଘରେ
ହଜିଲା ଛପର ଆଣ୍ଠିଏ ପାଣିରେ
ନୟନୁ ବହିଲା ଧାରେ ।୫
କରିବୁ କା'ପାଶେ ଅନ୍ତର ଗୁହାରି
ପ୍ରକୃତି ସାଜିଲା ଦାଉ
ସରକାରେ ଯୋଜନା ଅପେକ୍ଷାରେ ହିଁ
ବାକିଦିନ ବିତିଯାଉ ।୬