ବାଟଭୁଲା ପକ୍ଷୀଟେ ମୁଁ ଦେଇଛ ନୀଡ଼

ବାଟଭୁଲା ପକ୍ଷୀଟେ ମୁଁ ଦେଇଛ ନୀଡ଼

ବାଟ ଭାଙ୍ଗି ଚାଲିଯିବି ଭାବନା' ବଡ଼

ବାଟଭୁଲା ପକ୍ଷୀଟେ ମୁଁ ଦେଇଛ ନୀଡ଼ ! ୦ !

ସଂପର୍କକୁ ଯୋଡ଼ିଦେଇ ହୋଇଛି ଭାଷା

ବୁକୁ ତଳ ଦୀର୍ଘଶ୍ବାସେ ମେଣ୍ଟିଛି ଆଶା

ମମତାକୁ କାଟିଦେଇ ହେବାନି ଆଡ଼

ବାଟଭୁଲା ପକ୍ଷୀଟେ ମୁଁ ଦେଇଛ ନୀଡ଼ ! ୧ !

କେତେ କିଏ ଉଡ଼ିଗଲେ ନ ଥିଲେ ମେଳ

ଝଡ଼ ଆଉ ପବନରେ ହାରିଲେ ବେଳ

ହିସାବକୁ ଆସିଲାନି ସପନ ଭିଡ଼

ବାଟଭୁଲା ପକ୍ଷୀଟେ ମୁଁ ଦେଇଛ ନୀଡ଼ ! ୨ !

ସୀମାହୀନ ଆକାଶର ସାନ୍ତ୍ବନା ଆଣି

ଉଡ଼ିବାର ରହିବାର ଭରସା ପୁଣି

ମାୟା ନୁହେଁ ମୋହ ନିଦ୍ରା ଲେଉଟେ କଡ଼

ସପନର ବାସ୍ତବକୁ କହୁନି ଛାଡ଼

ବାଟଭୁଲା ପକ୍ଷୀଟେ ମୁଁ ଦେଇଛ ନୀଡ଼ ! ୩ !