ବାର୍ଦ୍ଧକ୍ୟରେ ବିଳାପ
ବାର୍ଦ୍ଧକ୍ୟରେ ବିଳାପ
ବଢୁଛି ବୟସ କମୁଛି ଆୟୁଷ
ସମୟ ଯାଉଛି ଗଡି ।
ଯଉବନ ଆମ ପୋକ ଲାଗିଲାଣି
ଧଳା ହୁଏ ଚୁଟି ଦାଢ଼ି ।
କେତେଦିନ ଅବା ବାକି ଅଛି ଆଉ
ହୋଇଯିବା ବୁଢା ବୁଢ଼ୀ ।
ଅଦୃଶ୍ୟ ହୋଇବ ଶ୍ରବଣ କମିବ
ଚମ ହେବ ଧୁଡୁ ଧୁଡି ।
ଜରା ବ୍ୟାଧି ଗ୍ରାସୀ ଅଚଳ ହୋଇବା
ହାତେ ଥିବ ଆଶା ବାଡ଼ି ।
ପିଲାମାନେ ଧୀରେ ବଡ଼ ହେଉଛନ୍ତି
ଆମକୁ ଯିବେ ସେ ଛାଡି ।
ନିଜ ସଂସାରର ବୋଝ ବୋହୁ ବୋହୁ
ଜଞ୍ଜାଳ ଆସିବ ମାଡି ।
ଆମ କଥା ଆଉ ବୁଝିବେନି କେହି
କାନ୍ଦିଲେ ବି ଛାଡି ରଡି ।
ଭୁଲିଯିବେ ପିଲା ପିତାମାତା କଷ୍ଟ
କେମିତି ଥିଲେ ସେ ବଢି ।
କାହା ପାଇଁ ଆଜି ତାଙ୍କର ସଂସାର
ଉଠୁଛି ଖୁସିରେ ଗଢି ।
ଅସହାୟ ହୋଇ ସାହାଯ୍ୟ ଲୋଡିଲେ
ବିରକ୍ତରେ ଦେବେ ଝାଡ଼ି ।
ବୃଦ୍ଧାଶ୍ରମ ଖୋଜି କର୍ତ୍ତବ୍ୟ ସାରିବେ
ଦେଲାପରେ ସେଠି ଛାଡି ।