Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Rajakishore Mundi

Inspirational

3  

Rajakishore Mundi

Inspirational

ବାପା

ବାପା

1 min
255



ହୃଦୟ ଯାହାର      ଆକାଶଠୁ ବଡ଼

     ସେ ଅଟନ୍ତି ବାପା ମୋର 

ବିପଦେ ଆପଦେ     ଜଗି ରହିଥାନ୍ତି

     ଚଳନ୍ତି ଠାକୁର ମୋର!

ମାଗିବା ଆଗରୁ      ମନ ଜାଣିକରି

     ସବୁ ଖଞ୍ଜି ଦେଇଥାନ୍ତି

ହାତ ଧରି ମୋର      ବାଟ ସେ ଶିଖାନ୍ତି

     ସବୁ ସୁଖ ଦେଇଥାନ୍ତି!

ବହୁ କଷ୍ଟ ସହି       ମୋର ଉନ୍ନତିରେ

    ସଦା ଥାଏ ତାଙ୍କ ମନ

ବାପା ପରି ଆଉ      କିଏ ସେ ହୋଇବ

     କୋଟି ରେ ଗୋଟିଏ ଜନ !

ସେବା ଦୟା କ୍ଷମା      ତାଙ୍କର ଆଦର୍ଶ

     ରଖି ଅଛି ସଦା ମନେ

ମନେ ସଦା ଚିନ୍ତି      ତାଙ୍କ ଆଦର୍ଶକୁ

    କାର୍ଯ୍ୟ କରୁ ଥିବି ଯତ୍ନେ!

ସ୍ନେହ ଆଶୀର୍ବାଦ     ଦେଇଛ ଅନେକ

    ମୁଦିବା ଆଗରୁ ଆଖି

ବହୁ ବାଟ ଅଛି      ଚାଲିବାକୁ ବାକି

    ତୁମର ପ୍ରେରଣା ସାକ୍ଷୀ!

ସନ୍ତାନ ଉନ୍ନତି       ସଦା ମନେ ଚିନ୍ତି

      ବାପା କରିଥାନ୍ତି କାର୍ଯ୍ୟ

ସଂସାର ରଥକୁ      ଚଳାଇବା ପାଇଁ

      ମନେ ତାଙ୍କ ବହୁ ଧର୍ଯ୍ୟ!

ଦିନେ କେବେ ମୋତେ ରୋଗବ୍ୟାଧିହେଲେ

    ସେବା ଯତ୍ନ କରିଥାନ୍ତି

ରାତି ଉଜାଗର      ରହି ମୋର ବାପା

   ଭୋକ ଶୋଷ ଭୁଲିଯାନ୍ତି!

ତାଙ୍କଠାରୁ ବଡ଼     ସଂସାରେ ନାହାନ୍ତି

     ତାଙ୍କୁ ମୁଁ ଭୁଲିବି ନାହିଁ

ମନମୋର ରହୁ     ତାଙ୍କରି ଚରଣେ

     ସେବା ମନ ଭାବ ବହି!


      


Rate this content
Log in